Ուր է մեկնում
Tue, 03 Mar 2026 12:24:06 +0400
Մարտի 3-4-ը Հայաստանի վարչապետ Նիկոլ Փաշինյանը աշխատանքային այց կկատարի Վրաստան։
Թբիլիսիում նախատեսված է նրա հանդիպումը Վրաստանի վարչապետ Իրակլի Կոբախիձեի հետ։ Կողմերը կքննարկեն երկկողմ օրակարգի հարցեր և համագործակցության հեռանկարները։
Այցի շրջանակում կանցկացվի նաև Հայաստանի և Վրաստանի միջև տնտեսական համագործակցության միջկառավարական հանձնաժողովի նիստը, որը կգլխավորեն երկու երկրների վարչապետները։ Նիստից հետո նախատեսվում է, որ Նիկոլ Փաշինյանն ու Իրակլի Կոբախիձեն հանդես կգան համատեղ հայտարարություններով՝ ներկայացնելով ձեռք բերված պայմանավորվածություններն ու քննարկումների արդյունքները։