Ինչ է կատարվում Իրան-Ադրբեջան սահմանին
Tue, 03 Mar 2026 16:00:29 +0400
Փետրվարի 28-ի առավոտյան ժամը 8:00-ից մինչև մարտի 3-ի առավոտյան ժամը 10:00-ն Իրանի Իսլամական Հանրապետությունից տարհանվել է ընդհանուր առմամբ 615 մարդ։
Ըստ համապատասխան մարմինների՝ նրանցից 157-ը Ադրբեջանի քաղաքացիներ էին։
Բացի այդ, անվտանգ գոտի են տարհանվել Չինաստանի 150, Ռուսաստանի 127, Պակիստանի 66 և Տաջիկստանի 52 քաղաքացիներ։
Տարհանվել են նաև Սաուդյան Արաբիայի 18, ԱՄԷ-ի վեց, Հորդանանի չորս և Կատարից ու Բանգլադեշից երեքական քաղաքացիներ։
Մյուս տարհանվածների թվում են Վրաստանի յոթ քաղաքացի, Ֆիլիպիններից, Նեպալից, Ղազախստանից, Ֆրանսիայից և Ուզբեկստանից երկուական քաղաքացիներ։
Բացի այդ, Իրանից տարհանվել է Թուրքիայից, Իտալիայից, Լեհաստանից, Թունիսից, Լիբանանից, Հնդկաստանից և Բրազիլիայից մեկական քաղաքացի։