ՌԴ-ի՝ չգնալու եւ ԱՄՆ-ի՝ գալու առավելությունները

ՌԴ-ի՝ չգնալու եւ ԱՄՆ-ի՝ գալու առավելությունները

Tue, 03 Mar 2026 19:15:42 +0400


Ամերիկայի ու Իսրայելի կողմից Իրանին, իսկ Իրանի կողմից Իսրայելին ու ամերիկյան ռազմաբազաներին հասցված հարվածներից հետո, տարածաշրջանում ձեւավորված նոր աշխարհաքաղաքական իրողությունները եկան եւս մեկ անգամ ապացուցելու, որ այս երկրի արտաքին քաղաքականության խնդիրը ոչ թե Ռուսաստանի ու Ամերիկայի միջեւ ընտրություն անելը կամ թե նրանց հետ «եւ-եւ»-ի տրամաբանությամբ հարաբերություն ստեղծելը, այլ Հայաստանին նրանցից հավասար հեռավորության վրա պահելն է:

Այս իմաստով, ուզում ենք հավատալ, որ Ամերիկայի ու Իսրայելի կողմից ձեւավորվող այս նոր տարածաշրջանն ու նրա ճարտարապետության տրամաբանությունը ոչ միայն Հայաստանի օրվա իշխանություններին, այլ նաեւ Հայաստանի արեւմտամետներին ու ռուսամետներին կօգնի, որպեսզի նրանք հասկանան, որ Հայաստանի արտաքին քաղաքականության խնդիրը ո՛չ տարածաշրջանից Ռուսաստանի հեռանալն է, եւ տարածաշրջան Ամերիկայի գալը եւ ո՛չ էլ տարածաշրջանում Ռուսաստանի մնալը եւ Ամերիկայի՝ տարածաշրջան չգալը:

Այս առումով, Հայաստանի արտաքին քաղաքականության խնդիրը ոչ թե տարածաշրջանում Ռուսաստանի մնալը, այլ տարածաշրջանում Ռուսաստանի մնալուց Հայաստանի համար եղած առավելությունների իրացումն է, այնպես, ինչպես Հայաստանի արտաքին քաղաքականության խնդիրը, ոչ թե տարածաշրջան Ամերիկայի չգալը, այլ նրա գալուց հետո Հայաստանի համար ստեղծվող հնարավորությունների կապիտալիզացումն է:

Մենք, այս իմաստով, վերջապես մի օր պետք է հասկանանք, որ Հայաստանում ու Հայաստանի շուրջ ձեւավորված այսօրվա հարաբերական անդորրը ոչ թե Ամերիկային տարածաշրջան բերելու համար Ռուսաստանին տարածաշրջանից դուրս մղող գործընթացի մաս դառնալու, ոչ թե Ռուսաստանին տարածաշրջանում պահելու համար տարածաշրջան Ամերիկայի գալուն խոչընդոտելու, այլ ճիշտ հակառակը՝ դրանցից եւ ոչ մեկի մասը չդառնալու, դրանցից եւ ոչ մեկին չաջակցելու արդյունք է:

Նաեւ պիտի հասկանանք, որ եթե մեր արտաքին քաղաքականությամբ մենք այսօր ինչ-որ հաջողություն էլ արձանագրել ենք, ապա ոչ այն պատճառով, որ Ռուսաստանը տարածաշրջանից գնացել է, իսկ Ամերիկան էլ տարածաշրջան է եկել, եւ ոչ էլ այն, որ Ռուսաստանը տարածաշրջանում մնացել է, իսկ Ամերիկան տարածաշրջան չի էլ եկել, այլ որովհետեւ ո՛չ Ռուսաստանն է տարածաշրջանից գնացել եւ ո՛չ էլ Ամերիկայի՝ տարածաշրջան գալն է խոչընդոտվել:

Գալուստ ՍԱՐԳՍՅԱՆ

© 2026 Secure News Portal

Source: Hraparak

Hraparak.am

Recent Posts

Միասին այսօր գնացինք բանտ, որ եղբայրս կարողանա շնորհավորել որդուն

Միասին այսօր գնացինք բանտ, որ եղբայրս կարողանա շնորհավորել որդուն Tue, 17 Nov 2026 00:24:12 +0400…

14 րոպե ago

Լուսինե Բեկչյանն ազատվել է պաշտոնից

Լուսինե Բեկչյանն ազատվել է պաշտոնից Tue, 17 Nov 2026 00:19:41 +0400 Ազգային ժողովի նախագահ Ռուբեն…

19 րոպե ago

Քիմ Քարդաշյանը` Louis Vuitton-ի բուժքրոջ կերպարում

Քիմ Քարդաշյանը` Louis Vuitton-ի բուժքրոջ կերպարում Mon, 16 Nov 2026 23:50:02 +0400 Քիմ Քարդաշյանն առանձնահատուկ…

49 րոպե ago

Գնալուդ ժամանակն է, Նիկոլ ջան

Գնալուդ ժամանակն է, Նիկոլ ջան Mon, 16 Nov 2026 23:45:20 +0400 Երբ եկար լավն էիր…

53 րոպե ago

Ինչո՞վ է առանձնահատուկ 2,5 միլիոն դոլար արժողությամբ ժամացույցը

Ինչո՞վ է առանձնահատուկ 2,5 միլիոն դոլար արժողությամբ ժամացույցը Mon, 16 Nov 2026 23:30:09 +0400 Շվեյցարական…

1 ժամ ago

TikTok-ում տարօրինակ թրենդ է տարածվում

TikTok-ում տարօրինակ թրենդ է տարածվում Mon, 16 Nov 2026 23:07:05 +0400 TikTok-ում մեծ թափ է…

2 ժամ ago