Սպանել են այն առաջնորդներին, որոնց ԱՄՆ-ն համարում էր Իրանում գերագույն առաջնորդի հավանական իրավահաջորդ. Թրամփ
Wed, 04 Mar 2026 00:14:53 +0400
The New York times-ը գրում է, որ ԱՄՆ նախագահ Թրամփը հերքել է այն ենթադրությունները, որ Իսրայելը ստիպել է իրեն հարձակվել Իրանի վրա: Թրամփը պնդել է նաև, որ Իրանը պատրաստվում էր հարձակվել իր հարևանների և Իսրայելի վրա, և նա որոշում է կայացրել պատերազմ սկսել՝ այդ գործողությունը կանխելու համար։ ԱՄՆ հետախուզության մոտ կանգնած պաշտոնյաները նշել են, որ Թրամփը չափազանցրել է Իրանի կողմից Միացյալ Նահանգների համար հնարավոր սպառնալիքներ ներկայացնելու հավանականությունը»։
ԱՄՆ նախագահը չի հստակեցրել նաև, թե որքան կարող է ձգվել Իրանի դեմ պատերազմը․«Այս պահին հնարավոր չէ ասել, թե ռազմական գործողությունների ամբողջական ծավալն ու տևողությունը որքան կլինեն»:
Հիշեցնենք, որ Իրանի Կարմիր մահիկի կազմակերպությունը՝ երկրի հիմնական մարդասիրական կազմակերպությունը, երեկ հայտարարեց, որ շաբաթ օրը ԱՄՆ-Իսրայել հարձակումների սկսվելուց ի վեր զոհերի թիվը հասել է 787-ի: Պենտագոնն իր հերթին հայտարարեցլ է, որ հակամարտության ընթացքում զոհվել է վեց ամերիկացի զինծառայող, իսկ Լիբանանի առողջապահության նախարարությունը հայտնում է մարտերի ժամանակ զոհված առնվազն 31 մարդու մասին: Իշխանությունների տվյալներով՝ Իսրայելում զոհվել է առնվազն 10 մարդ, իսկ Պարսից ծոցում՝ շաբաթ օրվանից ի վեր գրանցվել է վեց մահվան դեպք: