Սա Ջեսի Ջեքսոնի՝ հայտնի քաղաքացիական իրավունքների պաշտպան եւ ԱՄՆ նախկին ստվերային սենատոր, ԼԳԲՏ+ իրավունքների ակտիվիստ, քաղաքական գործչի «մանտրան» է, որը մահացավ անցյալ շաբաթ։ Նա շատ արդյունավետ օգտագործեց այդ «մանտրան»՝ սեւամորթ ամերիկացիներին իրենց ընտրական իրավունքների համար պայքարում էներգիա հաղորդելու համար։ Ջեսի Ջեքսոնը Մարտին Լյութեր Քինգի սանն էր։ 40 տարի շարունակ նա եղել է խտրականության, սեգրեգացիայի եւ Ջիմ Քրոուի դաժան քաղաքականության դեմ պայքարի առաջնագծում։
Նա նախագահի թեկնածու առաջադրվել է 1984-ին եւ պարտվել, սակայն զարմացրել է բոլորին՝ հավաքելով 7 միլիոնից ավելի ձայն։ Այդ ռիսկային եւ համարձակ քայլը տարիներ անց հարթեց Բարաք Օբամայի համար հաջողության ճանապարհը։ Հիշում եմ, երբ 1984-ին նա առաջադրվում էր նախագահի պաշտոնում, ես՝ որպես Կանանց ընտրողների լիգայի (League of Women Voters) անդամ, հանդիպեցի նրան։ Լիգան նրա համար լավ քարոզարշավ իրականացրեց։ Նա շատ խոնարհ, ընկերասեր մարդ էր, որ հանդես եկավ մի քանի հիանալի ոգեշնչող ելույթներով, որոնք հեշտությամբ կարող էին կիրառվել այսօր ԱՄՆ-ի առջեւ ծառացած իրավիճակում։

Նրա ուղերձն էր՝ «Երբեք չհանձ­նվել, երբեք տեղի չտալ կամ չհուսահատվել, վառ պահել հույսը… Ես մաղթում եմ, որ մայր հայրենիքի մեր հայրենակիցները որդեգրեն մտածողության այս ձեւը: Փոխանակ միմյանց հետ վիճելու վարչապետի պաշտոնի նախկին եւ ներկա թեկնածուների շուրջ, նրանք պետք է համախմբվեն: Հուսահատությունը ելք չէ․․․ Թշնամին ուզում է, որ մենք հանձնվենք, ուզում է, որ մենք տեղի տանք պարտությանը եւ դադարենք պայքարել այլ առաջնորդության համար»:

Խայտառակված կապիտուլյանտ Նիկոլ Փաշինյանը հուսահատության եւ անվստահության կրակն է բորբոքում ընտրազանգվածի շրջանում՝ ի շահ իր տերերի՝ Էրդողանի եւ Ալիեւի։ Ազգային ժողովի նախագահ Ալեն Սիմոնյանը մի քանի օր առաջ հայտարարեց՝ ասելով. «Մի՛ անհանգստացեք մեր երկրի գործերի վիճակի համար։ Շարունակե՛ք վայելել ձեր առօրյա կյանքը։ Խաղաղության պայմանագիրը հորիզոնում է…»։ Մինչ նա հնչեցնում էր այս ուղերձը, 12 ադրբեջանցի ուղերձ են հղել Սյունիքի մարզի գյուղացիներին՝ ասելով. «Պատրաստվե՛ք լքել ձեր տները։ Մենք գալիս ենք։ Մենք ձեզ դուրս կմղենք կամ, ավելի լավ է՝ կմորթենք ձեզ…»։ Արդյո՞ք այս անպաշտպան գյուղացիները թողնված են բախտի քմահաճույքին։ Արդյո՞ք վարչապետի լավ զինված թիկնապահները կամ «Քաղաքացիական պայմանագրի» մյուս անդամները գիտեն, թե ինչ է կատարվում երկրում։ Որտե՞ղ է անվտանգության ծառայությունը։ Արդյո՞ք նրանք ծրագրում են օգնել այս գյուղացիներին՝ զինելով նրանց ինքնապաշտպանության համար կամ պաշտպանելով նրանց։ Թե՞ զբաղված են ինքնախաբեությամբ կամ մարդկանց ուղեղները լվանալով, որպեսզի նրանք հավատան ցանկացած ապատեղեկատվության, որը մատուցվում է ընտրազանգվածին՝ հունիսյան ընտրություններից առաջ։
Բարեբախտաբար, մայր եկեղեցին՝ Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի առաջնորդությամբ, ամուր կանգնած է եւ դիմակայում է վարչապետի ապօրինի գործողություններին, դավերին: Հայ առաքելական եկեղեցին եղել է այն միակ հաստատուն կառույցը, որը 1700 տարի շարունակ վառ է պահել մեր ազգային ինքնությունն ու միասնականությունը: Ամենայն հայոց կաթողիկոսը վայելում է ազգի սերն ու հարգանքը՝ ի հեճուկս վարչապետ Փաշինյանի աղետաբեր վարչակարգի, որի ձախողված քաղաքականությունն արժանացել է երկրի ներսում եւ սփյուռքում գտնվող բոլոր հայերի դատապարտմանն ու ատելությանը:

«Վառ պահեք հույսը», քանի որ քրիստոնյա լինելը հենց դա է նշանակում՝ «Սեր, Հույս եւ Փրկություն»:

Արմինե Կունդակչյան