«Հրապարակ». Միհրան Պողոսյանը եւ նրա ազգականները` իրավապահների թիրախում

«Հրապարակ». Միհրան Պողոսյանը եւ նրա ազգականները` իրավապահների թիրախում

Thu, 05 Mar 2026 09:45:03 +0400


2025-ի տարեվերջին Հակակոռուպցիոն կոմիտեից հաստատել էին տեղեկությունները, որ ԴԱՀԿ նախկին պետ Միհրան Պողոսյանի ազգականի` «Միկշինի» սեփականատեր Տիգրան Հարությունյանի եւ նրա հարազատների նկատմամբ քրեական հետապնդումներ են հարուցվել․ «Ի պատասխան հայտնում ենք, որ ՀՀ հակակոռուպցիոն կոմիտեում ՀՀ նախկին գլխավոր հարկադիր կատարողի վերաբերյալ քննվող քրեական վարույթով հանրային քրեական հետապնդումներ են հարուցվել նրա ազգականների նկատմամբ։ Վերջիններս մեղադրվում են պաշտոնեական լիազորությունների չարաշահմանն օժանդակելու, ինչպես նաեւ՝ խոշոր եւ առանձնապես խոշոր չափերով վատնմանն օժանդակելու մեջ: Մեղադրյալներից երկուսը ձերբակալված են»։ Գործով նախաքննությունը 2 ամսում ավարտվել է, այժմ Տիգրան, Գեւորգ եւ Էդուարդ Հարությունյանները դատարանում են՝ մեղադրյալի աթոռին։ Ռուսաստանում գտնվող, առաջիկա ընտրություններին մասնակցելու հայտ ներկայացրած, ՔՊ-ական իշխանություններին եւ Նիկոլ Փաշինյանին խստորեն քննադատող Միհրան Պողոսյանը եւս այս քրեական գործով անցնում է, թեպետ նա դատավարական կարգավիճակ չունի։

Ի՞նչ հարցում են մեղադրվում Հարությունյանները․ Տիգրան Հարությունյանին մեղադրանք է առաջադրվել այն բանի համար, որ նա, «միջոցներ տրամադրելով եւ խոչընդոտները վերացնելով, 2009 թ. մարտի 2-ից մինչեւ 2010 թվականի դեկտեմբերի 16-ն ընկած ժամանակահատվածում օժանդակել է ՀՀ գլխավոր հարկադիր կատարողի պաշտոնը զբաղեցրած, մշտապես իշխանության ներկայացուցչի գործառույթներով օժտված պետական ծառայություն իրականացնող պաշտոնատար անձ Միհրան Պողոսյանի կողմից պաշտոնեական դիրքն օգտագործելով, վատնման եղանակով ուրիշի խոշոր չափերով գույքի հափշտակություն կատարելուն»: Գեւորգ Հարությունյանին նմանատիպ մեղադրանք է առաջադրվել, միայն օժանդակելու ժամկետն է այլ` «2012 թվականի հուլիսի 4-ից մինչեւ 2016 թվականի ապրիլի 22-ն ընկած ժամանակահատված»: Էդուարդ Հարությունյանին էլ է նույն մեղադրանքն առաջադրվել, որ նա օժանդակել է չարաշահելուն, «որն անզգուշությամբ ծանր հետեւանքներ է առաջացրել»: Նրանց նկատմամբ խափանման միջոց է ընտրված երկրից բացակայելու արգելքը։ Փորձեցինք զրուցել Տիգրան Հարությունյանի պաշտպան Երեմ Սարգսյանի հետ, որը նշեց՝ քանի որ այս քրգործի հետ կապված առաջին անգամ է իրեն լրագրող դիմում, չի կարող հարցերին պատասխանել, մինչեւ չհամաձայնեցնի իր պաշտպանյալի հետ։

© 2026 Secure News Portal

Source: Hraparak

Hraparak.am

Recent Posts

Վարկերի տոկոսադրույքները իջեցնելու համար ծրագրեր մտածեք, քաղաքացիները չեն կարողանում վճարել

Վարկերի տոկոսադրույքները իջեցնելու համար ծրագրեր մտածեք, քաղաքացիները չեն կարողանում վճարել Thu, 19 Nov 2026 16:32:40…

12 րոպե ago

Սա՞ է բարեկեցության բյուջեն, կետ կա՞, որ թոշակը բարձրանալու է. Վարդևանյանը՝ ԿԲ նախագահին

Սա՞ է բարեկեցության բյուջեն, կետ կա՞, որ թոշակը բարձրանալու է. Վարդևանյանը՝ ԿԲ նախագահին Thu, 19…

13 րոպե ago

Ալլահշուքյուր Փաշազադեի հետեւորդները՝ ԱԺ-ում

Ալլահշուքյուր Փաշազադեի հետեւորդները՝ ԱԺ-ում Thu, 19 Nov 2026 16:15:45 +0400 Հենց միայն այն, որ Հայաստանի…

29 րոպե ago

ԱԺ-ում արտահերթ նիստ է լինելու

ԱԺ-ում արտահերթ նիստ է լինելու Thu, 19 Nov 2026 16:13:50 +0400 Նոյեմբերի 19-ին Ազգային ժողովի…

31 րոպե ago

Թրամփ–Պուտին հանդիպում․ Կրեմլը բացահայտել է գլխավոր թեման

Թրամփ–Պուտին հանդիպում․ Կրեմլը բացահայտել է գլխավոր թեման Thu, 19 Nov 2026 16:00:51 +0400 ԱՄՆ նախագահ…

43 րոպե ago

Եթե գազի գինը 10%-ով թանկացավ, բոլոր ապրանքների գները 0,6% կաճեն. ԿԲ նախագահ

Եթե գազի գինը 10%-ով թանկացավ, բոլոր ապրանքների գները 0,6% կաճեն. ԿԲ նախագահ Thu, 19 Nov…

46 րոպե ago