Ես Արման Թաթոյան չեմ մեկնաբանում․ մարզպետ

Ես Արման Թաթոյան չեմ մեկնաբանում․ մարզպետ

Thu, 05 Mar 2026 11:25:35 +0400


Հայաստանի սահմանին Ադրբեջանը կառուցել է հատուկ ռազմական թաքստոցներ, նոր ամրացումներ է արել, որոնք, ըստ արբանյակային լուսանկարների, մինչ 2025 թվականի հուլիսի 31-ը գոյություն չեն ունեցել։ Եւ արբանյակային լուսանկարների համեմատությունից երեւում է, որ 25 թվականին Ադրբեջանի զինուժն առաջխաղացում է ունեցել՝ 24-ի համեմատ, այս ամենի մասին երեկվա մամուլի ասուլիսի ընթացքում հայտնեց «Միասնության թևեր» քաղաքական նախաձեռնության ղեկավար Արման Թաթոյանը՝ շեշտելով, որ խոսքը Գեղարքունիքի մարզի սահմանային հատվածների մասին է։ Թաթոյանի խոսքով՝ 2025 թ․ օգոստոսի 19-ից առաջ ադրբեջանցիները կատարել են մեծածավալ ամրաշինական աշխատանքներ։ Նրա բնութագրմամբ, այդ թաքստոցները կոչվում են «կապանյարներ» և նախատեսված են ռազմական մեքենաների ու տանկերի համար։ Քարտեզի վրա ցուցադրելով այդ հատվածները, նա ընդգծել է, որ այդ թաքստոցները ճանապարհների անմիջական հարևանությամբ են և կարող են օգտագործվել հարձակողական նպատակներով՝ ուղիղ վերահսկողության տակ պահելով հայկական գյուղերը։

Գեղարքունիքի մարզպետ Կարեն Սարգսյանին հարցրեցինք՝ այս առնչությամբ որեւէ բան չունի՞ ասելու. «Ես Արման Թաթոյան չեմ մեկնաբանելու: Ես ընդհանրապես չեմ մեկնաբանելու, դիմեք պաշտպանության նախարարություն, Ձեզ կպատասխանեն»: Դուք եք մարզի ղեկավարը, Ձեզ չի՞ անհանգստացնում այս հարցը. «Ես չեմ մեկնաբանելու»: Գաղտնի՞ք եք պահում հանրությունից. «Դե լավ էլի, ոնց ուզում եք մեկնաբանեք, ինձ քիչ ա հետաքրքրում, թե դուք ինչ վերնագիր կդնեք, ու ոնց կմեկնաբանեք: Ամեն անգամ ինչ որ բան եք ման գալիս, չհասկացա՝ չպատասխանե՞մ սրանից հետո Ձեր զանգերին»,- վրդովվեց մարզպետը:

Ադրբեջանցիները առաջ են գալիս, իսկ ամեն ամիս 1 մլն. դրամ աշխատավարձ ստացող մարզի ղեկավարը այս մասին լռում է եւ իր մարզի վերաբերյալ հրապարակված տագնապեցնող տեղեկատվությունը չի մեկնաբանում: ՔՊ-ի համար ձայն ապահովելը մարզպետի համար կարեւոր է, իսկ թե քանի մետր են առաջ եկել իր ղեկավարած մարզի տարածքում թշնամու զինուժը, իրեն չի հետաքրքրում։ Իսկ հանրությունը պետք է իմանա, որ ՔՊ-ի եւ Կարեն Սարգսյանի պաշտոնավարման շրջանում ոչ միայն Արցախն ու Քելբաջարն ենք կորցրել, այլեւ իրենց հայտարարած ամենախաղաղ 2025 թվականին Վարդենիսի տարածաշրջանում նոր տարածքներ են հայտնվել ադրբեջանցիների վերահսկողության տակ:

© 2026 Secure News Portal

Source: Hraparak

Hraparak.am

Recent Posts

Փաշինյանը կալանավորումը դարձրել է պատժիչ գործիք՝ իր քաղաքական ընդդիմախոսներին կոտրելու նպատակով

Փաշինյանը կալանավորումը դարձրել է պատժիչ գործիք՝ իր քաղաքական ընդդիմախոսներին կոտրելու նպատակով Mon, 16 Nov 2026…

9 րոպե ago

Ադրբեջանում ձերբակալել են Դավիթ Իշխանյանի փաստաբան Էլչին Ամիրովին

Ադրբեջանում ձերբակալել են Դավիթ Իշխանյանի փաստաբան Էլչին Ամիրովին Mon, 16 Nov 2026 18:02:50 +0400 Բաքվում…

12 րոպե ago

Սիլվան Նոբելյան մրցանակ է ուզում ստանալ

Սիլվան Նոբելյան մրցանակ է ուզում ստանալ Mon, 16 Nov 2026 18:00:19 +0400 Բրազիլիայի նախագահ Լուիս…

14 րոպե ago

Բագրատ Եղիազարյանը նշանակվել է Հայաստանում WB Taxi ծառայության ղեկավար

Բագրատ Եղիազարյանը նշանակվել է Հայաստանում WB Taxi ծառայության ղեկավար Mon, 16 Nov 2026 17:54:34 +0400…

20 րոպե ago

«Մոսկվան չի փոխել իր սկզբունքային դիրքորոշումը»․ Արտակ Զաքարյան

«Մոսկվան չի փոխել իր սկզբունքային դիրքորոշումը»․ Արտակ Զաքարյան Mon, 16 Nov 2026 17:45:33 +0400 ՀՀԿ…

29 րոպե ago

Մանրամասներ՝ Պուտին, Թրամփ և Սի Ծինփին հանդիպումից

Մանրամասներ՝ Պուտին, Թրամփ և Սի Ծինփին հանդիպումից Mon, 16 Nov 2026 17:30:53 +0400 Ռուսաստանը, Չինաստանը…

44 րոպե ago