ԱՄՆ-ն կզղջա․ Արաղչին զգուշացրել է
Thu, 05 Mar 2026 16:00:27 +0400
ԱՄՆ-ն կզղջա միջազգային ջրերում իրանական նավի վրա հարձակվելու համար, գրել է Իրանի արտաքին գործերի նախարար Աբբաս Արաղչին իր X էջում։
Նա մեղադրել է ԱՄՆ-ին ծովում՝ Իրանի ափերից մոտավորապես 2000 մղոն հեռավորության վրա հանցագործություն կատարելու մեջ։
«Dena նավը, որը Հնդկաստանի նավատորմի հյուրն էր և տեղափոխում էր մոտավորապես 130 նավաստի, հարձակման է ենթարկվել միջազգային ջրերում առանց նախազգուշացման։ Հիշե՛ք մեր խոսքերը. ԱՄՆ-ն խորապես կզղջա իր ստեղծած նախադեպի համար», – ընդգծել է Արաղչին։
Ամերիկյան սուզանավը Շրի Լանկայի ափերի մոտ խորտակել է իրանական նավ, որի հետևանքով զոհվել է առնվազն 80 մարդ։