Թրամփի ցինիկ «խաղը»․ Մեսսիի մոտ պարծեցել է Իրանին «ոչնչնացնելով»
Fri, 06 Mar 2026 11:00:20 +0400
«Ինտեր Մայամիի» ֆուտբոլիստները այցելել են Սպիտակ տուն, որտեղ հանդիպել են ԱՄՆ նախագահ Դոնալդ Թրամփի հետ, հաղորդում է The Athletic-ը։
Արգենտինացի հարձակվող Լիոնել Մեսսին նույնպես «Ինտերի» այն խաղացողների շարքում էր, ովքեր այցելել են Թրամփին։ 38-ամյա ֆուտբոլային աստղը լսել է Թրամփի ելույթն այն մասին, թե ինչպես են ԱՄՆ զինված ուժերը, Իսրայելի հետ համատեղ, «շարունակում ոչնչացնել հակառակորդին աննախադեպ մակարդակով»։
Ակումբը իր գավաթը բերել է Սպիտակ տուն և ԱՄՆ նախագահին նվիրել վարդագույն գնդակ և մարզաշապիկ՝ իր անունով և 47 համարով։
Մեսսիի հետ զրույցի ընթացքում Թրամփը հիշատակել է Կրիշտիանու Ռոնալդուին. «Իմ որդի Բարոնը ձեր երկրպագուն է։ Նա կարծում է, որ դուք հրաշալի մարդ եք։ Բարոնը մեծ երկրպագու է, ինչպես նաև մեկ այլ պարոնի՝ Կրիշտիանու Ռոնալդուի։
Կրիշտիանուն նույնպես ֆանտաստիկ է»։
Ամերիկացի առաջնորդը նաև հիշատակել է լեգենդար Պելեին և համեմատել բրազիլացի նախկին աստղին Մեսսիի հետ. «Չգիտեմ, գուցե դուք ավելի լավն եք…»։
Թրամփը նաև հատուկ հիշատակել է Լուիս Սուարեսին՝ ուրուգվայցի հարձակվողին անվանելով «բոլոր ժամանակների մեծագույն հարձակվողներից մեկը»։