Գուցե Փաշինյանն ազնիվ ճանապարհով հաջողության հասնելուց հույսը կտրել է. Կոլչին
Fri, 06 Mar 2026 23:15:00 +0400
Ռազմական փորձագետ եւ քաղաքական մեկնաբան Պյոտր Կոլչինը «Ալֆանյուզի» հետ զրույցում անդրադարձել է նրան, որ Երեւանը խնդրել է Բրյուսելից՝ Հայաստանում այս տարվա հունիսի 6-ին կայանալիք խորհրդարանական ընտրությունների նախընթացին «օպերատիվ արձագանքման խումբ ուղարկել՝ հիբրիդային սպառնալիքներին հակազդելու համար»։ «Նման տվյալների հրապարակումն ինքնին խոսում է այն մասին, որ կուլիսներից այն կողմ շատ կեղտոտ խաղ է ընթանում։ Ամենայն հավանականությամբ, Նիկոլ Փաշինյանը որոշել է ստանալ եվրոպացիների աջակցությունը։ ԵՄն, ինչպես կարծում են քննադատները, արդեն ունի փորձառություն միջամտելու եւ կեղծելու ընտրությունները։Որպես օրինակ՝ հաճախ են բերում անցյալ տարի Մոլդովայում տեղի ունեցած իրադարձությունները։ Ամենայն հավանականությամբ, Բրյուսելը կարող է Երեւանին տրամադրել գործիքների մի ողջ «զինանոց»՝ արեւմտյան սոցկայքերում ընդդիմադիրների արգելափակում, ագրեսիվ քարոզչություն եվրոպական մամուլում, տարբեր «արտահոսքեր» եւ «ֆեյքեր», հնարավոր է նույնիսկ՝ կիբերհարձակումներ։ Այս ամենը, ըստ այդ տարբերակի կողմնակիցների, արվում է այն բանի համար, որպեսզի պահպանվի վարչապետի՝ առանց այն էլ խաթարված վարկանիշը։ Խոսքը արդեն մշակված մեխանիզմի մասին է՝ ընտրությունների մանիպուլյացիաներ, տեղեկատվական ճնշումներ եւ ընդդիմադիրների ճնշումներ»,- ասել է Կոլչինը։
Ըստ նրա, նմանատիպ տեղեկատվական արշավը կարող է վկայել այն մասին, որ Նիկոլ Փաշինյանը ազնիվ ճանապարհով հաջողության հասնելուց հույսը կտրել է։ «Գործիք է դրվելու, ինչպես կարծում են քննադատները, ճնշումները, հարկադրանքները, գեղեցիկ ինֆորմացիոն պատկերի պատկերումը՝ առանց իրական արդյունքների։ Թերեւս այս սցենարով նա մտադիր է անցկացնել առաջիկա խորհրդարանական ընտրությունները Հայաստանում»,- ամփոփել է Կոլչինը։