Ի՞նչ ենք առաջարկում մանկավարժներին «Հայաստանը ես եմ» նախաձեռնության քաղաքական ծրագրով. Նաիրի Սարգսյան
Tue, 10 Mar 2026 11:07:08 +0400
Խորհրդարանական ընտրություններին ընդառաջ «Հայաստանը ես եմ» քաղաքական նախաձեռնության ղեկավար Նաիրի Սարգսյանը շարունակում է ներկայացնել նախաձեռնության ծրագրային դրույթները։
«Մանկավարժի նվազագույն աշխատավարձը կսահմանենք 400 000 դրամ։ Նախատեսում ենք մանկավարժական հատուկ կենսաթոշակ՝ 200 000 դրամ։ Կենսաթոշակի անցնելուց հետո ուսուցիչը հնարավորություն կունենա շարունակել աշխատել կա’մ որպես մանկավարժ, կա’մ որպես մանկավարժական խորհրդատու։ Կսահմանենք հստակ սոցիալական երաշխիքներ՝ անվճար բուժօգնություն, անվճար վերապատրաստում, հանրային տրանսպորտից անվճար օգտվելու հնարավորություն և մատչելի բնակարանի ձեռքբերման հնարավորություն։ Մանկավարժները կներգրավվեն համայնքային և պետական կառավարման խորհուրդներում։ Մանկավարժությունը պարզապես մասնագիտություն չէ․ մանկավարժությունը պետություն կառուցելու առաքելություն է»,-նշել է Սարգսյանը։