Արտաքին հետախուզության ծառայության հայտարարությունը վարչական ռեսուրսի օգտագործման փորձ է
Wed, 11 Mar 2026 11:32:06 +0400
Ռուբեն Թորոսյանը, ով Օրին-26 կազմակերպություն է ստեղծել եւ նախընտրական ընտրախախտումների մոնիտորինգ է իրականացնում, դիմել է Կենտրոնական Ընտրական հանձնաժողովին․
«Հարգելի՛ ԿԸՀ,
Տեղեկացնում կամ հիշեցնում ենք, որ Հայաստանի արտաքին հետախուզության ծառայությունը հայտարարություն է տարածել այլ երկրում ՀՀ քաղաքացիների նկատմամբ գործադրվող ճնշումների և սպասվող ընտրական գործընթացներին միջամտության վերաբերյալ /տե՛ս կից/, որը «Արտաքին հետախուզական գործունեության եվ արտաքին հետախուզության ծառայության մասին» ՀՀ օրենքի 7-րդ հոդվածի 1-ին մասով սահմանված դրույթի ենթադրյալ խախտում է։
Ավելին, հենց այդ հիմքով և իր անորոշ ձևակերպումներով այդ հայտարարությունը, որպես վարչական ռեսուրսի աննախադեպ կիրառում ենթադրաբար խախտում է ԱԺ 2026թ․ընտրական գործընթացների մասնակիցների իրավունքներն ու ազատությունները ի հակասություն նույն օրենքի 4-րդ հոդվածի 1-ին մասով սահմանված դրույթի պահանջների։
Միաժամանակ, մենք ողջունում ենք Ծառայության հոգատարությունը ԱԺ ընտրությունների նկատմամբ, սակայն որը պետք է լինի ժողովրդավարության, այդ թվում, օրինականության սահմաններում»։