Թուրքիան ուժեղացնում է իր հակաօդային պաշտպանությունը
Wed, 11 Mar 2026 18:30:42 +0400
Թուրքիայի Պաշտպանության նախարարությունը հայտարարել է, որ ՆԱՏՕ-ի Patriot հակաօդային պաշտպանության համակարգեր է տեղակայել Մալաթիայի նահանգում՝ Մերձավոր Արեւելքում լարվածության աճի ֆոնին։ Միաժամանակ նաեւ հաղորդվել է, որ Անկարան խորհրդակցություններ է անցկացնում ՆԱՏՕ-ի իր դաշնակիցների հետ։
Բացի այդ, ՆԱՏՕ-ն եւս՝ դաշինքի կոլեկտիվ անվտանգության մակարդակը բարձրացնելու համար, արդեն իր շրջանակում ձեռնարկել է մի շարք քայլեր, որոնք կուժեղացնեն դաշինքի պատասխանատվության տակ գտնվող տարածքի օդային անվտանգությունը, ասված է հայտարարությունում։