Իրականում երիկամների համար օգտակար խոտաբույսեր գոյություն չունեն։ Այս մասին հայտարարել է ռուս գիտնական Օլեգ Կոտենկոն՝ gazeta-ի հետ զրույցում։ Նա ասել է մասնավորապես, որ ժողովրդական բժշկությանը պետք է վերաբերվել չափազանց ուշադիր, քանի որ իդեալական մաքուր խոտաբույս բնության մեջ պարզապես չկա եւ ոչ մեկը չգիտի, թե որտեղ է հավաքվել այն խոտաբույսը, որը որպես դեղամիջոց գնվում է կամ ինչպես է այն աճել։ Հնարավոր է, որ խոտաբույսն աճած լինի ճանապարհներին մոտ, որտեղ վառելիքի արտանետում կա կամ փոշի։ Իսկ խոտաբույսերը որպես կանոն, կլանում են թե օգտակար նյութերը եւ թե վնասակար նյութերը։ Միաժամանակ, ըստ մասնագետի, միֆ է այն, որ այս կամ այն խոտաբույսը կարող է 100 տոկոսով բարելավել երիկամների աշխատանքը։ Նման բան գոյություն չունի։ Նույնիսկ հապալասի տերեւները, որոնց թուրմը օգտագործվում է երիկամների բորբոքումների ժամանակ, 10 օրից ավել խմել չի կարելի եւ խիստ հսկողությամբ։ Կոտենկոն նշել է, որ ավելի ճիշտ կլինի ուշադիր լինել եւ իմանալով երիկամների խնդիրների առաջացման պատճառները՝ զբաղվել կանխարգելմամբ՝ քան հետո խնդիրների առաջացումը փորձել բուժել ժողովրդական բժշկության միջոցներով։