Հռոմի Պապը Մերձավոր Արևելքում հրադադարի և երկխոսության կոչ է արել
Sun, 15 Mar 2026 17:15:00 +0400
Հռոմի պապ Լևոն XIV-ը Մերձավոր Արևելքում հրադադարի և երկխոսության կոչ է արել։ Հայտնում է Vatican News-ը։
«Արդեն երկու շաբաթ է, ինչ Մերձավոր Արևելքի ժողովուրդը տառապում է պատերազմի սարսափներից։ Հազարավոր անմեղ մարդիկ մահացել են, և շատերը ստիպված են եղել լքել իրենց տները։ Ես իմ հոգևոր մտերմությունն եմ հայտնում նրանց, ովքեր կորցրել են սիրելիներին դպրոցների, հիվանդանոցների և գյուղերի վրա հարձակումների ժամանակ»,- ասել է նա Սուրբ Պետրոսի հրապարակում կիրակնօրյա քարոզից հետո։Պապը հատուկ մտահոգություն է հայտնել Լիբանանում ստեղծված իրավիճակի վերաբերյալ։
«Մերձավոր Արևելքի քրիստոնյաների, արդար կանանց և տղամարդկանց անունից կոչ եմ անում այս հակամարտության բոլոր պատասխանատուներին դադարեցնել կրակը և բացել երկխոսության ճանապարհը»,- հայտարարել է նա։