Հրդեհ՝ Դուբայի օդանավակայանում․ թռիչքներ չկան
Mon, 16 Mar 2026 10:45:16 +0400
Դուբայի միջազգային օդանավակայանը (DXB) մարտի 16-ի առավոտյան ժամանակավորապես դադարեցրել է թռիչքները։
ԱՄԷ-ի իշխանությունները հայտնել են օդանավակայանի մոտակայքում «անօդաչու սարքի միջադեպի» հետևանքով առաջացած հրդեհի մասին։ Ավելի ուշ պարզաբանվել է, որ օդանավակայանի տարածքում գտնվող վառելիքի բաքերից մեկը հրդեհվել է։
Միջադեպի հետևանքով վիրավորներ չկան, սակայն Դուբայի քաղաքացիական ավիացիայի վարչությունը հայտարարել է օդանավակայանում թռիչքների ժամանակավոր դադարեցման մասին՝ որպես «նախազգուշական միջոց»։
Ուղևորներին խորհուրդ է տրվել կապ հաստատել իրենց ավիաընկերությունների հետ՝ իրենց թռիչքների վերաբերյալ տեղեկություններ ստանալու համար։
Դուբայի ոստիկանությունը հայտնել է, որ օդանավակայան տանող ճանապարհները ժամանակավորապես փակ են։
Reuters -ի կողմից հրապարակված կադրերում, այդ թվում՝ ճանապարհից, երևում է օդանավակայանի մոտակայքում բարձրացող ծուխ։