Երբ են հրապարակելու նոր Սահմանադրության նախագծի տեքստը
Mon, 16 Mar 2026 13:45:24 +0400
Հայաստանի նոր Սահմանադրության նախագծի տեքստն արդեն պատրաստ է։ Այն նախատեսվում է քննարկել ՔՊ-ի վարչության նիստում, ինչպես նաև կուսակցության խորհրդարանական խմբակցությունում։
Այս մասին հայտարարել է Հայաստանի արդարադատության նախարար Սրբուհի Գալյանը՝ Արդարադատության նախարարին կից հասարակական խորհրդի առաջին նիստի ընթացքում։
Նախարարի խոսքով սակայն՝ դրա հրապարակման վերաբերյալ վերջնական որոշում դեռ չի կայացվել։
Գալյանը նշել է, որ նոր Սահմանադրության հայեցակարգային դրույթները մշակվել էին ավելի վաղ, իսկ ներկայիս նախագիծը կազմվել է հենց այդ սկզբունքների հիման վրա։