GTB Steel ընկերությունը մեկնարկել է Ancon անգլիական հանրահայտ ապրանքանիշի՝ ամրանների մեխանիկական միակցման համակարգերի (Rebar Coupler System) տեղեկատվական և ցուցադրական միջոցառումը:

Ancon-ը շինարարական ոլորտում հայտնի ապրանքանիշ է, որի գլխամասային գրասենյակը գտնվում է Մեծ Բրիտանիայում, եւ արտադրանքը վաճառվում է ամբողջ աշխարհում՝ Եվրոպայում, Ավստրալիայում, Նոր Զելանդիայում և Մերձավոր Արևելքում։ Ընկերության լուծումները կիրառվել են տարբեր միջազգային նախագծերում՝ որը հիմնականում բարձրահարկ շենքերի, էստակադաների եւ տարբեր խոշոր ենթակառուցվածքային կոնստրուկցիաների համար առաջարկում է նորարարական լուծումներ՝ բարձրորակ մետաղական ամրացման և կապող համակարգերի կիրառման միջոցով։

GTB Steel ընկերությունը հայտնում է , որ ընկերության Արարատի մետաղաձուլական գործարանը մեկնարկում է Ancon Coupler մետաղական միակցիչի արտադրություն, որը միացնում է երկու ամրացման երկաթաձող՝ ապահովելով նույն ամրությունը, ինչ ամբողջական ձողը։ Ընկերության արտադրանքը միակն է ոչ միայն Հայաստանում, այլ նաեւ ողջ մերձավոր տարածաշրջանում։

Միջոցառման ընթացքում Ancon ընկերության պաշտոնեական ներկայացուցիչը ներկայացնում է ամրանի միակցման ժամանակակից տեխնոլոգիաները, շինարարական և ինժեներական կառույցներում կիրառման ոլորտները, վերջինիս համակարգային առավելություններն հատկապես սեյսմակայունության առումով, ի համեմատ ավանդական եռակցման մեթոդի: