Կա՞ հոսք Իրանից դեպի ՀՀ, թե ոչ
Tue, 17 Mar 2026 14:05:57 +0400
ԱԺ-ում լրագրողների հետ զրույցում Սփյուռքի գործերի գլխավոր հանձնակատարը հայտարարեց, որ Իրանից Հայաստան զանգվածային տեղաշարժի մասին տեղեկությունները չեն համապատասխանում իրականությանը։ Նրա խոսքով՝ նման գործընթաց ներկայումս չի նկատվում։
Պաշտոնյան ընդգծեց, որ իրենք մշտապես կապի մեջ են համայնքային ներկայացուցիչների հետ, սակայն իրավիճակը հիմնականում կայուն է։ Իրանահայերը, ըստ նրա, մնում են իրենց բնակավայրերում, ցուցաբերում են զգուշություն և փորձում են հեռու մնալ վտանգավոր տարածքներից՝ հույս ունենալով, որ իրավիճակը շուտով կկայունանա։
Սինանյանը նաև նշեց, որ տեղեկություն է շրջանառվել երկու թեթև վիրավորում ստացած իրանահայերի մասին, սակայն այդ տվյալները հետագայում հստակ չեն հաստատվել։