Ղեկավար ղեկավարի հետևից․ Իրանը շարունակում է կորցնել
Sat, 21 Mar 2026 12:30:13 +0400
Իսրայելի զինվորականները հայտարարել են, որ Իրանի հետախուզության նախարարության բարձրաստիճան պաշտոնյա Մեհդի Ռոստամի Շամասթանը սպանվել է Թեհրանի վրա ավիահարվածի ժամանակ։
Գործողությունը իրականացվել է Իսրայելի ռազմաօդային ուժերի կողմից՝ Մոսադի և Շին Բեթի հետախուզական ծառայությունների հետ սերտ համագործակցությամբ։
Իսրայելական բանակը Մեհդի Ռոստամի Շամասթանին անվանել է հետախուզության նախարարության «գլխավոր դեմք», որը «հիմնական դեր է խաղացել Իսրայելում և արտասահմանում իսրայելցի քաղաքացիական անձանց և հրեաների դեմ ուղղված գործողությունների իրականացման գործում»։
Իրանական իշխանությունները դեռևս չեն հաստատել սպանությունը։
Այսօր ավելի վաղ Իրանի Իսլամական հեղափոխության պահապանների կորպուսը հայտարարել էր իր խոսնակ, բրիգադի գեներալ Ալի Մոհամմադ Նաինիի սպանության մասին՝ Իսրայելի կողմից Իրանի տարածքում իրականացված հարվածի արդյունքում։
Միաժամանակ տեղեկություններ կան, որ Իրանի Ֆարս նահանգում հատուկ նշանակության ուժերի հրամանատար, բրիգադի գեներալ Քավուս Դեհրուդին ևս սպանվել է։