Թիմում էլ արդեն հասկանում են՝ ավտոբուսում պարը նյարդայնացնում է մարդկանց։ Փաշինյանն ինքն է մանրամասնում․

«Պետք է նաև խոստովանել, որ պարոն Ռուբինյանը վարչության նիստում շատ խիստ հրահանգել է, սկզբից ասում էր ավտոբուսի մեջ չպարել, հետո մեղմացրեց դիրքորոշումը, ասում էր՝ պարել, բայց չհրապարակել, քանի որ դա լրացուցիչ նյարդայնացնում է մարդկանց»։ Փաշինյանին է ասում՝ պարելը թարգենք, որովհետև պարացնողը Փաշինյանն է։ Որ ինքը չպարացնի, ոչ մեկը չի պարի։ Բայց այդպես ո՞նց կլինի։ Ավանդույթ ունեն՝ օրվա դիջեյն ընտրել, որ շախով – շուխով թատրոնը վարի։ Ու հետաքրքիրն այն է, որ դա ոչ թե Փաշինյանը, այլ Ռուբինյանն է ,,գլխի ցցել,,։ Քանի որ պարացնողը Փաշինյանն է, Ռուբինյանը մեղմացրել է դիրքորոշումը՝ պարենք, բայց չհրապարակենք։ Գիտե՞ք ինչու է այդպես ասում։ Որովհետև պարզ երևում է՝ իրենց պարը հակառակ էֆեկտն է տալիս։ Ծիծաղելի դառնալուց բացի, մարդիկ նյարդայնանում են։ Կինոյի նման, որ ասում է՝ Մուրադը կատաղելա․․․ Եվ առանց դրա էլ Փաշինյանի ընկած վարկանիշը հողին է հավասարվում։ Սա մոտավորապես նման է այն բանին, որ խմողին կամ ծխողին ասես՝ խմելդ կամ ծխելդ թարգիր։ Դժվար բան է պահանջել, բայց աթոռը պահելու համար Փաշինյանը այդ զրկանքին էլ կդիմանա։ Ուտելու պահով չեմ կարող երաշխավորել։ Երբ ասի՝ ուտելդ թարգիր, Փաշինյանը կգնա՞ այդ զրկանքին։ Կամ Ռուբինյանը ռիսկ կանի՞ ասի՝ ուտելդ էլ թարգիր։ Կամ էլ՝ ինքան ուզում ես կեր, բայց մի նկարիր։