Ավիատոմսերը կթանկանան
Sat, 21 Mar 2026 20:30:10 +0400
Եվրոպական խոշոր ավիափոխադրողները նախազգուշացրել են, որ հնարավոր է ավիատոմսերը թանկանան, եթե Մերձավոր Արեւելյան ներկայիս էսկալացիան պահպանվի մի քանի ամիս։ Այս մասին հայտնում է Reuters լրատվական գործակալությունը։ Ավիաընկերությունները նաեւ կոչ են արել ուղեւորներին նախապես ամրագրել ավիատոմսերը՝ հավելյալ ծախսերից խուսափելու համար։ Մասնավորապես Lufthansa-ի ղեկավար Քարսթեն Շպորը հայտարարել է, որ Պարսից ծոցի ավազանի երկրներ թռիչքների դադարեցումները փոխհատուցելու համար 40-ով ավելացրել են Ասիական ռեգիոն իրականացվող թռիչքների թիվը։