Գերմանիայի դեղատները գործադուլ են անում
Mon, 23 Mar 2026 21:00:30 +0400
Գերմանիայում այսօր՝ մարտի 23-ին, երկրի տարածքում գործող բոլոր դեղատները կանցկացնեն համապետական գործադուլ։ Պատճառը՝ ֆինանսական միջոցների սղությունն է եւ ծախսերի աճը։ Դեղատները կփակվեն բոլոր խոշոր քաղաքներում, իսկ Բեռլինում, Մյունխենում, Դյուսելդորֆում եւ Հանովերում դեղատնային աշխատողները կիրականացնեն բողոքի ցույցեր։
Դեղատնային միավորումների ֆեդերալ ընկերակցության ղեկավար Թոմաս Փրայսը հայտարարել է, որ դեղատնային ծառայությունների վճարները վերջին անգամ բարձրացրել են 10 տարի առաջ։ Եւ այդ ժամանակներից ի վեր, դեղատնային բիզնեսի պահպանման համար ծախսերը բավականին աճել են։ Փրայսը նաեւ ասել է, որ 2013 թվականից մինչ այժմ, փակվել են դեղատների մոտ 20 տոկոսը, ինչի հետեւանքով, դեղորայքի հանդեպ հասանելիությունը նվազել է։ Հատկապես դա զգալի է դարձել ոչ մեծ քաղաքներում։ Գործադուլի ընթացքում կգործեն հերթապահ դեղատներ, եւ բնակչությունը չի մնա առանց դեղատնային ծառայությունների։