Օրական մինչեւ քանի բաժակ թեյն է օգտակար
Mon, 23 Mar 2026 23:00:12 +0400
Թեյը օգտակար ըմպելիք է։ Այն դրականորեն կարող է ազդել մարդու սիրտ-անոթային համակարգի վրա։ Սակայն կարեւոր է, որպեսզի պահվի չափավորությունը։ Մարդու համար, եթե անհատական հատուկ ցուցում կամ սահմանափակում չկա, օգտակար է 3-5 բաժակ թեյը՝ օրական կտրվածքով։ Այս մասին հայտարարել է ռուս մասնագետ Անաստասիա Եֆիմովան։ «Կանոնավոր կերպով եւ մշտապես թեյի օգտագործումը զգալիորեն նվազեցնում է սիրտ-անոթային հիվանդություններից մահանալու կամ ինսուլտի հավանականությունը։
Ու կապ չունի՝ կանաչ թեյ է մարդն օգտագործում, թե՝ սեւ։ Օգտակարությունը հաստատված են գիտական տարբեր հետազոտություններով։ Սակայն չպետք է մոռանալ այն, թե մարդը որքան զգայուն է կոֆեինի նկատմամբ եւ կան արդյոք հատուկ սահմանափակումներ կամ ցուցումներ։ Օրինակ, հայտնի է, որ քնի խանգարում ունեցողներին օրվա երկրորդ կեսին խորհուրդ չի տրվում թեյ խմել։ Միաժամանակ նաեւ՝ պետք է պահպանել չափավորությունը, քանի որ չափից դուրս շատ թեյի օգտագործումն էլ կարող է վնասակար լինել»։ Մասնագետը նկատել է, որ մեկ բաժակ թեյի մեջ պարունակվում է 30-50 միլիգրամ կոֆեին եւ եթե օրական չափից դուրս շատ է մարդը թեյ խմում, ապա կարող է ունենալ տագնապային ապրումներ, սրտի աշխատանքի խանգարումներ, անքնություն։ Ցանկալի է, ըստ Եֆիմովայի, որ թեյ խմելու եւ սննդառության պահերը մարդու մոտ լինեն տարբեր, որովհետեւ կան նյութեր, որոնք յուրացումը թեյը կարող է դանդաղեցնել կամ նույնիսկ խոչընդոտել։