Պատերազմը մո՞տ է ավարտին․ Իրանն ու ԱՄՆ-ն գաղտնի բանակցում են
Tue, 24 Mar 2026 13:30:35 +0400
Իրանի արտաքին գործերի նախարար Աբբաս Արաղչին հեռախոսազրույց է ունեցել ԱՄՆ հատուկ դեսպանորդ Սթիվեն Ուիտկոֆի հետ, որի ընթացքում պարզվել է, որ Իսլամական Հանրապետությունը պատրաստ է շարժվել համաձայնագրի ուղղությամբ, հաղորդում է Ynet-ը։
Զրույցին ծանոթ աղբյուրներին հղում անելով՝ պորտալը նշում է, որ Արաղչին իր ամերիկացի գործընկերներին ասել է, թե Իրանը նոր գերագույն առաջնորդ Մոջթաբա Խամենեիից ստացել է «արագ լուծման» հավանություն, եթե Թեհրանի պայմանները կատարվեն։
Բացի այդ նշվում է, որ հեռախոսազրույցը, որին մասնակցել է նաև ԱՄՆ հատուկ դեսպանորդ, Դոնալդ Թրամփի փեսան՝ Ջարեդ Քուշները, վկայում է կողմերի շարունակական շփումների մասին՝ չնայած Թեհրանի կողմից բանակցությունների հրապարակային ժխտումներին։
Ավելի վաղ ԱՄՆ նախագահ Դոնալդ Թրամփը հայտարարել էր Իրանի հետ արդյունավետ բանակցությունների մասին։