Իտալիայի վարչապետն ընդունել է իր պարտությունը
Tue, 24 Mar 2026 16:30:35 +0400
Իտալիայի վարչապետ Ջորջա Մելոնին ընդունել է իր պարտությունը իր կառավարության առաջարկած բարեփոխումների վերաբերյալ հանրաքվեում և հայտարարել, որ կշարունակի պաշտոնավարել մինչև իր ժամկետի ավարտը։
«Ինքնիշխանությունը մնում է ժողովրդին, և այսօր նրանք հստակ արտահայտվեցին։ Կառավարությունը կատարեց իր խոստումը՝ առաջարկեց նախընտրական քարոզարշավի ընթացքում մեկնարկած բարեփոխումները և քաղաքացիներին թողեց ընտրության հնարավորություն։
Մենք, ինչպես միշտ, հարգում ենք այս ընտրությունը, չնայած Իտալիան արդիականացնելու՝ կորսված հնարավորության համար դառնությունը մնում է։ Սակայն մենք կշարունակենք հանգիստ և բարեխղճորեն կատարել մեր աշխատանքը երկրի բարօրության համար՝ մեր մանդատի շրջանակում։ Մենք կգործենք վճռականորեն, պատասխանատու կերպով և հարգելով Իտալիայի և նրա ժողովրդի շահերը», – ասել է նա Ասամբլեային ուղղված իր հայտարարության մեջ։
Քվեարկության առաջին արդյունքների համաձայն՝ 54.47%-ը դեմ է քվեարկել բարեփոխմանը։ Քվեարկությունը վերաբերում էր բավականին տեխնիկական հարցի՝ դատական և քննչական համակարգում պաշտոնների դասավորության և հավասարակշռության փոփոխություններին, որը, ըստ սահմանադրության, կառավարության անկախ ճյուղ է։