ՀՀ երկրորդ նախագահ Ռոբերտ Քոչարյանը, անդրադառնալով Նիկոլ Փաշինյանի սպառնալիքներին, թե ՔՊ-ի ընտրությունների արդյունքում սահմանադրական մեծամասնություն չունենալու դեպքում սեպտեմբերին աղետալի պատերազմ է սկսվելու, «Մեծ քաղաքականություն» փոդքասթի երրորդ թողարկման ժամանակ ասել է, որ Նիկոլ Փաշինյանը շանտաժ է անում ժողովրդին, վախեցնում պատերազմով։

«Ձախողված Նիկոլ Փաշինյանը ժողովրդին պետք է շանտաժ անի, պիտի վախեցնի պատերազմով։ Ո՞ր թեմայի շուրջ ինքը կարող է նստել ու խոսել։ Մեծ վտանգը ինքն է․ ինքը որ մնա, հաստատ պատերազմ ենք ունենալու։

Պարադոքսալն այնտեղ այն է, որ իմ նախագահության ժամանակ ամենից խաղաղ տարիներն էին։ Ես այդ միտքը կրկնեմ՝ մեկ միջին ծավալի միջադեպ չենք ունեցել սահմանների վրա։ Միջադեպ չի եղել, փորձ անգամ չի եղել որևէ բան անել», – ասել է Քոչարյանը։