«Մենք Ձեզ ռադ արինք, բայց թոշակի հարցը կլուծեք»
Wed, 25 Mar 2026 12:03:04 +0400
ԱԺ նախագահ Ալեն Սիմոնյանը խորհրդարանի նիստի ընթացքում անդրադարձել է անկախ պատգամավոր Հակոբ Ասլանյանի՝ անհետ կորածների ծնողների հետ ունեցած զրույցին, որի ժամանակ վերջինս հայտարարել էր, թե մոտ ժամանակում գործող իշխանությունը կհեռացվի։ Սիմոնյանը այդ հայտարարությունը բնութագրել է որպես «ծիծաղելի և նողկալի»։
Խոսքի ընթացքում նա նաև հիշեցրել է, որ Ասլանյանը նախկինում, իր խոսքով, խմբակցության նիստերից մեկի ժամանակ խնդրել է, որպեսզի մնա խմբակցության կազմում։ Սիմոնյանը նշել է, որ նման իրավիճակներ քաղաքական կյանքում եղել են և շարունակելու են լինել։
Բացի այդ, ԱԺ նախագահը Ասլանյանին բնութագրել է «քաղաքական Պանիկովսկի»՝ հավելելով, որ նրան հեռացրել են, սակայն որոշ հարցերում աջակցություն են ցուցաբերել։
«Ռադ ենք արել, սակայն այնպես ենք պահել, որ թոշակի հարցը լուծես, դու այդ թոշակը կստանաս»,- ասել է նա: