«Հրապարակ»․ «Գաստրոլների» դուրս եկած ՔՊ-ականները ո՞ր մարզից են գոհ, ո՞ր մարզից՝ դժգոհ
Thu, 26 Mar 2026 08:05:45 +0400
Ներկուսակցական քարոզարշավի անվան տակ վերջին շաբաթներին մարզերում «գաստրոլների» դուրս եկած ՔՊ-ականները, պարզվում է՝ ամենաշատը տպավորված են Գեղարքունիքի մարզի ընդունելությունից։
Մեզ ասացին, որ իրենք էլ չեն սպասել նման ջերմ եւ մարդաշատ ընդունելություն՝ հաշվի առնելով, որ պատերազմից հետո ադրբեջանական զորքերն օկուպացրել են մարզի որոշ դիրքեր, Սոթքի հանքի աշխատանքները կաթվածահար են արել, եւ թշնամին էլ ամբողջ օրը խոսում է Գյոյչայի՝ Սեւանի ափին իր հանգրվանելու մասին։ Փոխարենը, ըստ մեր զրուցակցի, խայտառակ վատ վերաբերմունքի են արժանացել Լոռվա մարզում, մինչդեռ մարզպետ Արեն Մկրտչյանն «ուրախ ավտոբուսի» ուղեւորներից է եւ ներՔՊ-ական քվեարկության ժամանակ ամենաշատ ձայներ ստացած մարզպետն է՝ մոտ 500 ձայն։