Իմ անվերապահ աջակցությունն եմ հայտնում Գագիկ Ծառուկյանի նախաձեռնած «Առաջարկ Հայաստանին» ծրագրին
Thu, 26 Mar 2026 12:08:14 +0400
Սիրելի՛ հայրենակիցներ, լինելով «Բարգավաճ Հայաստան» կուսակցության ստեղծման ակունքներում, երկար տարիներ համակարգելով կուսակցության Շիրակի մարզային և Գյումրու քաղաքային խորհուրդների աշխատանքները, «Բարգավաճ Հայաստան» կուսակցության կազմում մի քանի անգամ ընտրվելով Ազգային ժողովի պատգամավոր` իմ անվերապահ աջակցությունն եմ հայտնում Գագիկ Ծառուկյանի նախաձեռնած
«Առաջարկ Հայաստանին» ծրագրին, քանզի համոզված եմ, որ միայն միասնությամբ, հանրային համերաշխությամբ ու համատեղ աշխատանքով է հնարավոր լուծել մեր երկրի առջև ծառացած խնդիրները։ Որպես Գյումրու Մ. Նալբանդյանի անվան պետական մանկավարժական ինստիտուտի նախկին ռեկտոր՝ տեսել եմ, թե ինչպես է Գագիկ Ծառուկյանը յուրահատուկ վերաբերմունք ցուցաբերում ուսանող երիտասարդությանը, մարզաշխարհին և բոլոր բնագավառներին (կրթություն, գիտություն, արվեստ, հոգևոր կյանք)։ Պարոն Ծառուկյանի ուշադրությունից դուրս չեն մնացել նաև Գյումրի քաղաքի խնդիրները, որոնցից մի մասը լուծում է ստացել իր անմիջական հովանավորությամբ ու աջակցությամբ։
Տարբեր սերունդների իմ բոլոր նախկին ուսանողներին ու այսօրվա ուսանող երիտասարդությանը կոչ եմ անում մասնակից դառնալ այս ծրագրի քննարկմանն ու ուժեղացմանը, քանզի սա բացառիկ հարթակ է յուրաքանչյուրի ձայնը լսելի դարձնելու համար։
Մենք իրավունք չունենք անտարբեր լինել մեր երկրի ճակատագրի նկատմամբ։
Վարդևան Գրիգորյան
ՀՀ վաստակավոր մանկավարժ,
մանկավարժական գիտությունների դոկտոր, պրոֆեսոր