«Ինչքան վատ պիտի լինի մարդու վիճակը, որ, դիմելով ծայրահեղ քայլի, պատերազմով սպառնա սեփական ժողովրդին»,- այս մասին քիչ առաջ խորհրդարանական ճեպազրույցների ժամանակ հայտարարել է ընդդիմադիր պատգամավոր Քրիստինե Վարդանյանը:

«Մեզ արդեն տևական ժամանակ է՝ ասում են, թե առկա է հիբրիդային սպառնալիք:Արտաքին հետախուզական ծառայությունն էլ իր զեկույցում սրան անդրադառնալուց բացի մի առանձին հայտարարությամբ հանդես եկավ՝ նշելով ,որ բացահայտվել է կոնկրետ երկրի հատուկ ծառայության միջամտության դեպք: Հիմա ես հարց ունեմ մեր «ինքնիշխաններին: Եթե իրոք նման խնդիր կա, նման բան է եղել, ինչու եք կաշկանդված տալ այդ պետության անունը: Ինչից եք վախենում ընդհանրապես, եթե իրոք նման բան կա»,-նշել է նա: