«Հրապարակ»․ Հին ծրագիրը վերադարձել է՝ նույն վտանգներով եւ անփոփոխ

«Հրապարակ»․ Հին ծրագիրը վերադարձել է՝ նույն վտանգներով եւ անփոփոխ

Sat, 28 Mar 2026 11:45:05 +0400


Փաշինյանի կառավարությունը «պարապ մնալ» չի սիրում․ դպրոցները փակելուն զուգահեռ, հիմա էլ e-draft համակարգում շրջանառվում է մի նախագիծ, ըստ որի՝ Գեղարքունիքի մարզի 30 գյուղական ամբուլատորիա կօպտիմալացվի, ինչի մասին վաղուց էր խոսվում:

Այսպես՝ «ՀՀ կառավարության 2006 թվականի նոյեմբերի 2-ի N 1911-Ն որոշման մեջ լրացումներ կատարելու մասին» ՀՀ կառավարության որոշման նախագծի ընդունումը պայմանավորված է Գեղարքունիքի մարզի առողջապահական համակարգերում փոփոխություններ իրականացնելու անհրաժեշտությամբ։ Գեղարքունիքի մարզի առողջության առաջնային պահպանման կազմակերպությունների կողմից իրականացվող ծառայությունների արդյունավետության եւ որակի բարձրացման նպատակով, ավելի հմուտ եւ օպտիմալ կառավարման համար առաջարկվում է միաձուլման եղանակով առողջության առաջնային պահպանման կենտրոնները վերակազմակերպել «փնջերի»: Միաձուլման արդյունքում ենթադրվում է վարչական աշխատակազմի կրճատում, որը կհանգեցնի «փնջի» վարչական անձնակազմի աշխատավարձի բարձրացման, արդյունքում որակապես նոր մակարդակի վրա կդրվի մարզում առողջության առաջնային պահպանման օղակում կառավարումը, որը միտված է ավելի մրցունակ կառավարման համակարգ ունենալուն:

Առաջարկվող վերակազմակերպումը կնպաստի բժիշկ-մասնագետների (ներկայում զբաղեցնում է երկու եւ ավելի դրույք՝ ներառյալ տնօրենի մեկ դրույքը)՝ բացառապես բժշկական գործունեությամբ զբաղվելուն եւ ազգաբնակչությանն առավել որակյալ, հասանելի ու մատչելի բժշկական օգնություն եւ սպասարկում տրամադրելուն, առողջապահական ցուցանիշների եւ բնակչության գոհունակության բարելավմանը: Ինչպես նաեւ՝ կառաջանան տնտեսված, միավորված եւ խնայված ֆինանսական միջոցներ, որոնք էլ կուղղվի՝ կազմակերպության արդյունավետ գործունեության համար անհրաժեշտ սարքավորումներով վերազինմանը՝ որոշակի ծառայություններ ավելի հասանելի դարձնելով բնակչությանը (այդ ծառայությունները կմատուցվեն տեղում): Միաձուլման ձեւով վերակազմակերպել Գեղարքունիքի մարզի «Սարուխանի բժշկական ամբուլատորիա» եւ «Գանձակի առողջության առաջնային պահպանման կենտրոն» ՊՈԱԿ-ները՝ ստեղծելով «Հայաստանի Հանրապետության Գեղարքունիքի մարզի Գավառի N 1 առողջության կենտրոն» ՊՈԱԿ: «Լճափի ԱԱՊԿ»-ն, եւ «Նորատուսի բժշկական ամբուլատորիան» եւ «Կարմիրգյուղի բժշկական ամբուլատորիան» կմիաձուլվեն՝ դառնալով «Գեղարքունիքի մարզի Գավառի N 2 առողջության կենտրոն» ՊՈԱԿ, եւ այսպես շարունակ:

«Առողջության իրավունք» ՀԿ նախագահ Անուշ Պողոսյանը մեզ հետ զրույցում ասաց, որ շրջանառվող նախագծի արդյունքում 30 գյուղական ամբուլատորիայից կմնա 9-ը: ««Ապագան» կրկին հետապնդում է Գեղարքունիքի մարզի գյուղական ամբուլատորիաներին: ՏԿԵ նախարարության կողմից 2 նախագիծ կար ներկայացված, մեկը վերաբերում էր Գեղարքունիքի, մյուսը՝ Արարատի մարզին: 2024 թվականին, երբ քննարկեցինք ԱԺ-ում, բացերն ասացինք, լայն քննարկման արդյունքում իրենք հետ կանգնեցին, սակայն նախագիծը նորից բերել են, եւ շատ տարօրինակ է, որ անգամ չեն փոխել: Դեղերի գնման հետ կապված մասը, որովհետեւ այսօր ամբուլատորիաները, կարելի է ասել, դեղեր չեն գնում, ամբողջությամբ օֆերտայի հիմք է դրված, եւ դեղորայքը քաղաքացիները գնում են դեղատներից: 2024 թվականին չիրականացված ծրագիրն այսօր վերադարձել է՝ նույն տրամաբանությամբ, նույն վտանգներով։ Սա առողջապահական բարեփոխում չէ, սա համակարգի ձախողման օրինականացում է, որի հետեւանքը կրելու է գյուղացին»:

© 2026 Secure News Portal

Source: Hraparak

Hraparak.am

Recent Posts

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո

Մրայա Քերին քննադատության է արժանացել Բրազիլիայում ունեցած տարօրինակ ելույթից հետո Thu, 19 Nov 2026 23:45:44…

10 րոպե ago

Մարսի վրա տարօրինակ գոյացություններ են հայտնաբերվել

Մարսի վրա տարօրինակ գոյացություններ են հայտնաբերվել Thu, 19 Nov 2026 23:30:11 +0400 Գիտնականները Մարս մոլորակի…

25 րոպե ago

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը

Հայտարարի՛ր՝ հրաժարական եմ տալիս, թող ինձանից հետո փոխվի Սահմանադրությունը Thu, 19 Nov 2026 23:25:54 +0400…

30 րոպե ago

Տիմատին գնել է բացառիկ Ferrari F50 մեքենա

Տիմատին գնել է բացառիկ Ferrari F50 մեքենա Thu, 19 Nov 2026 23:23:06 +0400 43-ամյա ռեփեր…

32 րոպե ago

Նազա՛ր, դու կեղծ հեղինակություն ես, որի տեղն ազգի պատմության աղբանոցն է․ Գասպարյան

Նազա՛ր, դու կեղծ հեղինակություն ես, որի տեղն ազգի պատմության աղբանոցն է․ Գասպարյան Thu, 19 Nov…

43 րոպե ago

«Կեղտոտ միջուկային ռումբով» հարձակման հավանականություն չկա

«Կեղտոտ միջուկային ռումբով» հարձակման հավանականություն չկա Thu, 19 Nov 2026 23:05:28 +0400 ԱՄՆ Ներքին անվտանգության…

50 րոպե ago