Անահիտ Կիրակոսյանն անդրադարձել է իր տան հրդեհվելու մասին լուրերին
Sun, 29 Mar 2026 15:15:28 +0400
Վերջին օրերին համացանցում, հատկապես «Ժամանց» հարթակում, ակտիվորեն շրջանառվում էր աղմկահարույց մի հրապարակում՝ «Մեծ դժբախտություն է պատահել․ Անահիտ Կիրակոսյանի տունը հրդեհվել է և ամբողջությամբ այրվել․ նրան օգնություն է պետք» վերնագրով։ Լուրը կարճ ժամանակում լայն արձագանք էր ստացել՝ անհանգստություն ու շփոթ առաջացնելով օգտատերերի և դերասանուհու երկրպագուների շրջանում։ Ստեղծված իրավիճակին արձագանքել է հենց Անահիտ Կիրակոսյանը՝ շտապելով հերքել տարածվող տեղեկությունը։ Իր պաշտոնական էջում նա պարզաբանել է, որ խոսքը իր մասին չէ․ «Ես չեմ, սիրելիներ, նյութը իմ մասին չէ»։ Դերասանուհին նաև տեսանյութ է հրապարակել՝ համոզելու համար հետևորդներին, որ ինքն առողջ և ապահով է, և որևէ նման միջադեպ իրականում տեղի չի ունեցել։ Նա կոչ է արել զգոն լինել և չհավատալ կեղծ ու սենսացիոն բնույթի հրապարակումներին։