«Աղջկաս մայրանալու մոմենտով եմ խնդրում». կինը՝ Փաշինյանին
Sun, 29 Mar 2026 17:33:13 +0400
Երևանում վարչապետ Նիկոլ Փաշինյանի հերթական շրջայցի ընթացքում քաղաքացիներից մեկը տարօրինակ խնդրանքով դիմեց նրան։
Կադրերում երևում է, որ մի կին մոտենում է Փաշինյանին և հուզված խնդրում միջամտություն՝ նշելով․ «Աղջկաս մայրանալու մոմենտով եմ մոտեցել»,֊ասաց նա։
Կնոջ խոսքից պարզ է դառնում, որ նա փորձում էր բարձրացնել առողջապահական խնդիր, հնարավոր է՝ կապված բժշկական աջակցություն ստանալու կամ բուժման կազմակերպման հետ։
Նկատենք, որ Փաշինյանը կարծես խուսափում է, նշում է, որ նախընտրական շրջան է, և կոնկրետ խոստումներ կամ անհատական օգնությունների վերաբերյալ հանձնառություններ չեն կարող արվել՝ առաջարկելով հարցը լուծել սահմանված ընթացակարգերով։
Տեսանյութում նաև հնչում է առողջապահության նախարարի անունը՝ Անահիտ Ավանեսյանի, ինչը ենթադրում է, որ խնդիրը կարող է առնչվել առողջապահական համակարգին կամ նախարարության լիազորություններին։