Թրամփը չի բացառել Իրանի Խարգ կղզին վերահսկողության տակ վերցնելու հնարավորությունը
Mon, 30 Mar 2026 11:00:58 +0400
ԱՄՆ-ն կարող է փորձել վերահսկողության տակ վերցնել Իրանի Խարգ կղզին, որի միջոցով արտահանվում է իրանական նավթի զգալի մասը: Այս մասին հայտարարել է Սպիտակ տան ղեկավար Դոնալդ Թրամփը։
«Գուցե մենք վերցնենք Խարգ կղզին, գուցե՝ ոչ։ Մենք շատ տարբերակներ ունենք»,- ասել է Թրամփը՝ Financial Times-ին տված հարցազրույցում։
Թրամփի խոսքով՝ Խարգի գրավումը կնշանակեր, որ ամերիկացի զինվորականները ստիպված կլինեն որոշ ժամանակ մնալ կղզում: Բացի այդ, նա հայտարարել է, որ կցանկանար «վերցնել Իրանի նավթը» Վենեսուելայի սցենարով։
Սպիտակ տան ղեկավարը կարծիք է հայտնել, որ Խարգ կղզում որևէ պաշտպանություն չկա։ «Մենք կարող ենք այն (կղզին — խմբ.) շատ հեշտությամբ վերցնել»,- նշել է Թրամփը։