«Իսկ թե ուր են «ուղևորվում» այդ գումարները, կպարզվի իշխանափոխությունից հետո»
Mon, 30 Mar 2026 14:08:22 +0400
Երևանի ավագանու «Մայր Հայաստան» խմբակցության անդամ Սոնա Աղեկյանը հերթական անգամ հրապարակել է տեսանյութ՝ անդրադառնալով քաղաքային կառավարման արդյունավետությանը։
Նա նշել է, որ ներկայացված կադրերը, ըստ իր գնահատականի, արտացոլում են իշխող քաղաքական ուժերի՝ «Քաղաքացիական պայմանագիր», «Հանրապետություն» և «Հանրային ձայնի» համագործակցության արդյունքները։
Նա, խոսելով քաղաքում մաքրության հետ կապված խնդիրների մասին, նշել է , որ այդ ոլորտի համար նախատեսված զգալի ֆինանսական միջոցները, իր խոսքով, չեն ապահովում ակնկալվող արդյունք։ Նրա կարծիքով՝ մաքրման աշխատանքները հաճախ չեն իրականացվում պատշաճ մակարդակով, իսկ հատկացվող գումարների արդյունավետ օգտագործման հարցը մնում է բաց։
«Մաքրության և երբևէ չիրականացվող սանմաքրման նպատակով միլիարդներ են դուրս գրվում, իսկ թե ո՞ւր են «ուղևորվում» այդ գումարները, կպարզվի իշխանափոխությունից հետո միայն»,- նշել է նա: