Ռմբակոծվել է միջազգային օդանավակայանը, այլ թիրախներ, Իրանում սարսափելի վիճակ է
Mon, 30 Mar 2026 15:30:36 +0400
Իրանում կեսգիշերից հետո ավիահարվածներ են հասցվել Մեհրաբադի միջազգային օդանավակայանին, Ազգային բանկի մասնաճյուղին և Թեհրանի ստվարաթղթի գործարանին, գրում են տեղական ԶԼՄ-ները։
Հարված է հասցվել նաև Թավրիզի նավթաքիմիական գործարանին, ինչպես նաև Իրանի հարավում գտնվող Բենդար Աբբաս քաղաքի թիրախներին։
Իսրայելական բանակը և Ամերիկյան կենտրոնական հրամանատարությունը՝ CENTCOM-ը դեռևս չեն մեկնաբանել այս տեղեկատվությունը։
Ավելի վաղ, կիրակի օրը Թեհրանում և հարևան Քարաջ քաղաքում զանգվածային էլեկտրաէներգիայի անջատումներ և պայթյուններ են տեղի ունեցել, մինչդեռ կործանիչները ցածր բարձրությունների վրա թռչել են Իրանի մի քանի նահանգներում, Iran International-ին հայտնել են աղբյուրները։
Թեհրանում, ականատեսների վկայությամբ, էլեկտրաէներգիայի զանգվածային անջատումը տևել է մինչև ուշ գիշեր, և կործանիչների ձայներ են լսվել այնպիսի շրջանների վրայով, ինչպիսիք են Հոսեյնաբոդը և Հերավին: Հաղորդվել է նաև, որ Պարչին շրջանը ենթարկվել է հրետակոծության, իսկ Իրանի մայրաքաղաքի որոշ հատվածներում գիշերը գրանցվել է ինքնաթիռների ակտիվություն։