Պերսոնա նոն գրատա հայտարարված դեսպանը չի լքել երկրի տարածքը
Mon, 30 Mar 2026 21:00:10 +0400
Լիբանանում Իրանի դեսպան Մոհամադ Ռեզա Շեյբանին, ով լիբանանյան ԱԳՆ կողմից հայտարարվել էր «պերսոնա նոն գրատա» եւ մարտի 29-ին պետք է հեռանար Լիբանանի տարածքից, դեռեւս չի հեռացել։ Այս մասին հայտնում է Asharq Al-Awsat պարբերականը։
Համաձայն հաղորդման, իրանցի դիվանագետը դեռեւս շարունակում է մնալ Բեյրութում, ըստ լիբանանյան խորհրդարանի խոսնակ Նաբիխա Բերիի եւ «Հըզբոլլահ» խմբավորման ցանկության։ ԱԳ նախարարությունը հայտարարել է, որ իրենք չեն փոխի «պերսոնա նոն գրատա» հայտարարելու իրենց որոշումը, սակայն նաեւ որեւէ կոնկրետ քայլ չեն ձեռնարկի։ Հիշեցնենք, որ դեսպան Շեյբանիին Բեյրութում «պերսոնա նոն գրատա» էին հայտարարել մարտի 24-ին։