«Համաշխարհային ահաբեկչության ինդեքս 2026»-ը (Global Terrorism Index 2026) հրապարակել է երկրների վերաբերյալ վերջին վարկանիշը՝ հիմնվելով ահաբեկչական սպառնալիքի մակարդակի վրա։

Վարկանիշային աղյուսակում իրենց տարածքում ահաբեկչական ակտիվության և ահաբեկչական սպառնալիքի ամենաբարձր մակարդակներով առաջատար երկրներն են՝ Պակիստանը (8,574՝ 1-ին տեղ), Բուրկինա Ֆասոն (8,324՝ 2-րդ տեղ) և Նիգերը (7,816՝ 3-րդ տեղ)։

Այս վարկանիշային աղյուսակում Սիրիան (7.38) զբաղեցրել է 6-րդ տեղը, Իսրայելը (6.79) 10-րդը, Աֆղանստանը (6.678) 11-րդը, Հնդկաստանը (6.428) 13-րդը, Ռուսաստանը (5.593) 17-րդը, Իրանը (5.477) 18-րդը, ԱՄՆ-ն (4.521) 28-րդը, Գերմանիան (4.447) 29-րդը, Ֆրանսիան (3.224) 35-րդը, Թուրքիան (3.212)՝ 36-րդը, Չինաստանը (1.311)՝ 54-րդը, Շվեյցարիան (0.749)՝ 67-րդը, Արաբական Միացյալ Էմիրությունները (0.749) 68-րդը, Վրաստանը (0.506) 77-րդը, Հայաստանը (0.483) 81-րդը, իսկ Ադրբեջանը՝ 93-րդ տեղը՝ 0.123 ինդեքսով։

Global Terrorism Index հիմնված է հաշվարկների վրա, որոնք հիմնված են այնպիսի ցուցանիշների վրա, ինչպիսիք են ահաբեկչական միջադեպերը, զոհերի թիվը, լուրջ հետևանքները, պատանդների առևանգումը, հակաահաբեկչական միջոցառումները, ահաբեկչության հետաքննության արդյունավետությունը և շատ այլ պարամետրեր։

Լոնդոնի տնտեսագիտության և խաղաղության ինստիտուտի (IEP) կողմից պարբերաբար հրապարակվող «Համաշխարհային ահաբեկչության ինդեքսի» զեկույցները ծառայում են որպես հղումային աղբյուր ՄԱԿ-ի, Տնտեսական համագործակցության և զարգացման կազմակերպության (ՏՀԶԿ), Համաշխարհային բանկի, այլ միջազգային կազմակերպությունների և միջազգային ակադեմիական հաստատությունների համար։

Զեկույցները նաև համարվում են երկրների լայն տնտեսական ենթակառուցվածքներում օտարերկրյա ներդրումներ ներգրավելիս հաշվի առնվող հիմնական աղբյուրներից մեկը։