Դոլարի վրա կլինի Թրամփի ստորագորությունը․ նրա անվամբ՝ նավեր, օդանավակայան և այլն
Tue, 31 Mar 2026 13:00:14 +0400
Ֆլորիդայի հանրապետական նահանգապետ Ռոն Դեսանտիսը ստորագրել է Պալմ Բիչի միջազգային օդանավակայանը ԱՄՆ նախագահ Դոնալդ Թրամփի պատվին վերանվանելու մասին օրենքը, հաղորդում է Reuters-ը։
Օդանավակայանը վերանվանելու որոշումը կայացվել է Մայամիի կենտրոնում Թրամփի նախագահական գրադարանի կառուցման համար հող հատկացնելու՝ անցյալ տարվա ծրագրի հաստատումից հետո։ Վերանվանման գործընթացն ավարտելու համար պետք է պաշտոնական հարցում ներկայացվի ԱՄՆ Դաշնային ավիացիայի վարչությանը (FAA): Գործակալությունը պետք է փոփոխի թռիչքների տարբեր քարտեզներ և նավիգացիոն տվյալների բազաներ, որից հետո օբյեկտի ցուցանակները կփոխարինվեն։
Ավելին, Ներկայացուցիչների պալատի անդամ Բրայան Մաստն արդեն առաջարկել է օդանավակայանի եռատառ կոդը PBI-ից փոխել DJT-ի, որը համապատասխանում է Դոնալդ Ջոն Թրամփի անվան սկզբնատառերին։
Բացի այդ, նախատեսվում է Թրամփի անունով կոչել ԱՄՆ ռազմածովային ուժերի նոր դասի ռազմանավերը, հարուստ օտարերկրացիների համար վիզային ծրագիրը և դեղատոմսով դեղերի վաճառքի կառավարական կայքը։
ԱՄՆ ֆինանսների նախարարությունը հաստատել է, որ Թրամփի ստորագրությունը կհայտնվի թղթադրամների վրա՝ սկսած այս ամռանից։ Սա երկրի պատմության մեջ առաջին դեպքն է, երբ գործող նախագահը կստորագրի ամերիկյան արժույթի վրա։ Ավելին, Արվեստի դաշնային հանձնաժողովը հաստատել է քաղաքական գործչի պատկերով հուշադրամի թողարկումը՝ Միացյալ Նահանգների 250-ամյակի կապակցությամբ։
2025 թվականի դեկտեմբերին Թրամփի անունը ավելացվել է Վաշինգտոնում գտնվող Ջոն Ֆ. Քենեդիի անվան կատարողական արվեստների կենտրոնի և Միացյալ Նահանգների Խաղաղության ինստիտուտի շենքին։