ԱՄՆ-Իսրայել համատեղ հարվածը իրանցիներին զրկել է խմելու ջրից․ ահազանգ
Tue, 31 Mar 2026 15:30:03 +0400
Իրանի իշխանությունները հայտնել են, որ Քեշմ կղզու աղազրկման համալիրներից մեկը ԱՄՆ-Իսրայել համատեղ հարվածի հետևանքով շարքից դուրս է եկել։
Իրանի առողջապահության նախարարության պաշտոնյայի խոսքով՝ վնասված օբյեկտը կարճաժամկետ հեռանկարում չի կարող վերանորոգվել։
Կղզու խմելու ջրի մատակարարումը մեծապես կախված է աղազրկման կայաններից, և դրանց վնասը արդեն ազդել է տեղական համայնքների ջրամատակարարման վրա։
Արտաքին գործերի նախարար Աբբաս Արաղչին ավելի վաղ հայտարարել էր, որ մարտի 7-ի հարձակումը խափանել է մոտ 30 գյուղերի ջրամատակարարումը։
Միևնույն ժամանակ, երեքշաբթի օրը Թեհրանի արևմտյան մասում գտնվող Վարդավարդ շրջանը ենթարկվել է ինտենսիվ օդային հարվածների։ Լրատվամիջոցների կողմից հրապարակված տեսանյութերում երևում են ծխի բարձրացող ամպեր։
Հարձակումները հաջորդել են իսրայելական զինվորականների նախազգուշացմանը, որով բնակիչներին կոչ էին անում չորս ժամ մնալ տանը։ Ներկայումս վնասի չափի կամ հնարավոր տուժածների վերաբերյալ կոնկրետ հաստատում չկա։