Ձերբակալվել են պետական ծառայողներ՝ լրտեսության կասկածանքով
Wed, 01 Apr 2026 18:00:23 +0400
Առնվազն չորս պետական ծառայող է ձերբակալվել Իրանի հյուսիսում գտնվող Բաբոլսեր քաղաքում։ Նրանք մեղադրվում են ամերիկյան եւ իսրայելական հատուկ ծառայությունների հետ համագործակցելու մեջ։ Ներկայացվել է մեղադրանք՝ «հակառակորդի օգտին լրտեսություն կատարելու» հոդվածի համաձայն։ Թե կոնկրետ ինչպես են նրանք համագործակցել ամերիկյան ու իսրայելական հատուկ ծառայությունների հետ, չի մանրամասնվում։
Հայտնի է միայն, որ հակառակորդի օգտին լրտեսություն կատարելու մեղադրանքի դեպքում՝ սահմանվում է մահապատիժ՝ ունեցվածքի ամոբղջական բռնագանձմամբ։ Փետրվարի 28-ից ի վեր, այս մեղադրանքով ավելի քան 500 մարդ արդեն ձերբակալվել է Իսլամական Հանրապետությունում։