«Հրապարակ»․ «Տաշած քարը» գետնին չմնաց
Thu, 02 Apr 2026 08:20:00 +0400
Մենք գրել էինք, որ մարտի 3-ին Տավուշի մարզպետ Հայկ Ղալումյանը մարզպետի օգնականի պաշտոնից ազատել է Յուրա Բազինյանին` իր դիմումի համաձայն։ Բազինյանը Նիկոլ Փաշինյանի ու Հայկ Ղալումյանի մանկության ընկերն է։
Բազինյանը վերջին երեք տարիներին նաեւ Տավուշի մարզի թիվ 38 ընտրատարածքային ընտրական հանձնաժողովի նախագահն է եղել:
Մեզ թվում էր` նա որոշել է կենտրոնանալ ԸԸՀ նախագահի պաշտոնի վրա, քանի որ կարեւոր ընտրական փուլ ենք մտել, սակայն պարզվում է «տաշած քարը գետնին չի մնում»` Յուրա Բազինյանը նշանակվել է ՀԷՑ-ի «Աղստև» մասնաճյուղի տնօրենի խորհրդական։
Սամվել Կարապետյանից խլելուց հետո ՀԷՑ-ր դարձել է ՔՊ-ական, իշխանական գործազուրկ կադրերին աշխատանքի տեղավորման գործակալություն, այն էլ` բարձր աշխատավարձերով։