Հոգևորականները ինչ նամակ են ուղարկել ԱԺ
Thu, 02 Apr 2026 11:57:16 +0400
Հայաստանի Ազգային ժողովում անցկացվել են «Պատիվ ունեմ» խմբակցության նախաձեռնած խորհրդարանական լսումներ՝ նվիրված պետություն-ազգային եկեղեցի հարաբերությունների ներկայիս վիճակին։
Լսումների ընթացքում խմբակցության ղեկավար Հայկ Մամիջանյանը նշել է, որ քննարկմանը հրավիրված են եղել նաև Հայ առաքելական եկեղեցու ներկայացուցիչները։ Սակայն վերջիններս չեն մասնակցել՝ ուղարկելով գրավոր պարզաբանում, որը ներկայացվել է նիստի ընթացքում։ Նամակում նշվել է, որ Ավագ հինգշաբթիի կապակցությամբ եկեղեցականները ներգրավված են կրոնական արարողություններում և չեն կարողացել ներկայանալ, միաժամանակ ընդգծվել է նման քննարկումների կարևորությունը։
Մամիջանյանը նաև հայտարարել է, որ իշխանությունները չպետք է միջամտեն եկեղեցու ներքին կյանքին և ինքնավարությանը՝ ընդգծելով, որ նման հարցերում անհրաժեշտ է պահպանել սահմանազատված մոտեցում։ Նրա խոսքով՝ թեև հոգևորականները չեն մասնակցել, լսումների կազմակերպումը եղել է անհրաժեշտ՝ թեման հանրային քննարկման դաշտ բերելու համար։