Դոշին խփած քարտեզը նույնն է, ինչ «Արցախը Հայաստան է ու վերջ»

Դոշին խփած քարտեզը նույնն է, ինչ «Արցախը Հայաստան է ու վերջ»

Thu, 02 Apr 2026 16:15:56 +0400


Իր պետության շահերով առաջնորդվող ղեկավարի առաջ հայտնվում է մեկը՝ դոշին փակցրած քարտեզով ու անլեզու, անբարբառ ասում է՝ «Հայաստանը սա՛ է»։ Միթե սա նման չէ «Արցախը Հայաստան է ու վերջ» շոուին, որի արդյունքում եղավ աղետը՝ խլվեց Արցախը, հայաթափվեց։

Այսօր նույն ղեկավարը՝ Արցախը հանձնելուց հետո, դոշին խփել է Հայաստանի քարտեզը և նույն բանն է ասում՝ «սա՛ է Հայաստանը ու վերջ»։ Ու սա անում է գերտերության մի ղեկավարի մոտ, ում մեղադրում է Արցախի կորստյան համար։ Սա ինչ հաժվարկ է, չեմ հասկանում։

Քաղաքականության մեջ վտանգավոր է, երբ բարդ իրականությունը փոխարինվում է պարզ, ցուցադրական ձևակերպումներով։ «Արցախը Հայաստան է ու վերջ» կարգախոսը ժամանակին ընկալվեց որպես հստակ դիրքորոշում, բայց այն չհենվեց բավարար դիվանագիտական, ռազմական և միջազգային հաշվարկների վրա։ Արդյունքում առաջացավ լուրջ հակասություն խոսքի և իրականության միջև, որը հանգեցրեց ծանր հետևանքների՝ ներառյալ 2020-ի պատերազմի արդյունքները և Արցախի հայաթափումը։
Այս քարտեզ շոուն այսօր կարող է հարուցել գերտերությունների և հակառակորդի զայրույթը՝ «դու՞ պիտի որոշես, թե որտեղ են երկրի սահմանները»։ Այդպես էլ անում է Ադրբեջանը, քայլ-քայլ, ներքին համաձայնությամբ ամրապնդելով իր դիրքերը։ Այս վիզուալ քարտեզը կարող է ընկալվել նույն կերպ, ինչ «Արցախը Հայաստան է ու վերջ»։

Շոուն փոխարինում է իրական բանակցային և ռազմավարական հաշվարկներին։ «Սա է ու վերջ» մոտեցումը ներսում տպավորություն է ստեղծում, թե սա է Հայաստանը, բայց արտաքին ուժերի համար դա ընկալվում է որպես կոշտ, միակողմանի դիրքորոշում, որը չի համընկնում միջազգային և ուժային բալանսի հետ։ Նման վիզուալ հայտարարությունները՝ առանց միջազգային և ռազմավարական հաշվարկների, կարող են կրկնել անցյալի սխալները և Հայաստանի գլխին բերել Արցախի նույն աղետը։

© 2026 Secure News Portal

Source: Hraparak

Hraparak.am

Recent Posts

Պարսկաստանի փորձը՝ Գյումրիում․ իրանական ներդրողներ են հայտնվել քաղաքում

Պարսկաստանի փորձը՝ Գյումրիում․ իրանական ներդրողներ են հայտնվել քաղաքում Thu, 19 Nov 2026 14:40:21 +0400 Latest…

7 րոպե ago

ԵՄ-ում տարաձայնություններ են

ԵՄ-ում տարաձայնություններ են Thu, 19 Nov 2026 14:30:21 +0400 Եվրամիության երկրները պատրաստվում են մշակել Ռուսաստանի…

17 րոպե ago

Խնդրում է իրեն հեռացնել՝ չեն հեռացնում․ ինչու՞․․․

Խնդրում է իրեն հեռացնել՝ չեն հեռացնում․ ինչու՞․․․ Thu, 19 Nov 2026 14:15:42 +0400 Այնպես էլ…

32 րոպե ago

Ովքեր են Եվրոպայում նույնասեռական ներկայացող քրեական հեղինակությունները

Ովքեր են Եվրոպայում նույնասեռական ներկայացող քրեական հեղինակությունները Thu, 19 Nov 2026 14:12:23 +0400 Փաշինյանը հրաժարվել…

35 րոպե ago

Ռուսաստանն ու Չինաստանը կարող են անցնել համատեղ սպառազինության մշակման

Ռուսաստանն ու Չինաստանը կարող են անցնել համատեղ սպառազինության մշակման Thu, 19 Nov 2026 14:00:08 +0400…

47 րոպե ago

Հայտնի է՝ մասնակցելու՞ է G20-ի նիստին, թե՞ ոչ

Հայտնի է՝ մասնակցելու՞ է G20-ի նիստին, թե՞ ոչ Thu, 19 Nov 2026 13:50:25 +0400 Փաշինյանը…

57 րոպե ago