ԱՄՆ-ն արժանապատիվ նահանջի ուղի է որոնում․ իրանցի զինվորական
Fri, 03 Apr 2026 12:00:08 +0400
Միացյալ Նահանգները ուղիներ է որոնում Իրանական հակամարտությունից «արժանապատիվ կերպով» դուրս գալու համար։ Սակայն նախագահ Թրամփի յուրաքանչյուր ելույթը ավելի ցցուն է դարռնում նրա ստորացվածությունը։ Այս մասին հայտարարել է Իրանի ԶՈՒ ներկայացուցիչ Աբոլֆազըլ Շերաքչին, ըստ ISNA լրատվական գործակալության փոխանցման։
«Ամերիկացիները ներկայումս պատերազմից արժանապատիվ դուրս գալու ուղիներ են որոնում։ Սակայն մենք նրանց հանգիստ չենք թողնի, քանի դեռ վրեժ չենք լուծել այն ամենի համար, ինչ արել են։ Ամեն անգամ, երբ Թրամփը հանդես է գալիս հայտարարությամբ, ավելի ակնհայտ է դարձնում աշխարհին, թե որքան ստորացված է»,- ասել է իրանցի բարձրաստիճան ներկայացուցիչը։ Նա նաեւ ընդգծել է, որ Միացյալ Նահանգները ոչ մի պայմանի դեպքում Հորմուզի նեղուցով անցնելու հնարավորություն չի ունենալու։