Պետական բուհերում կրթությունը պետք է լինի անվճար
Fri, 03 Apr 2026 17:09:00 +0400
Ներքին Գետաշենում «Միասնության թևեր» կուսակցության նախաձեռնած միջոցառման ընթացքում Արման Թաթոյանը ընդգծել է կրթական համակարգում հավասար հնարավորությունների ապահովման անհրաժեշտությունը՝ նշելով, որ գյուղական և քաղաքային դպրոցների միջև որակային տարբերություն չպետք է լինի։
Նրա խոսքով՝ գյուղի դպրոցները պետք է ապահովեն նույն մակարդակի կրթություն, ինչ քաղաքային ուսումնական հաստատությունները, որպեսզի երեխաները ստիպված չլինեն տեղափոխվել քաղաք՝ որակյալ կրթություն ստանալու համար։ Թաթոյանը նշել է, որ կրթությունը պետք է հասանելի լինի բոլորի համար՝ անկախ բնակության վայրից, իսկ գյուղական դպրոցները պետք է զարգանան և ուժեղացվեն։
Նա նաև ընդգծել է, որ երեխաները չպետք է կանգնեն ընտրության առաջ՝ կրթություն ստանալու և իրենց բնակավայրում մնալու միջև։
Միջոցառման ընթացքում բարձրացվել է նաև բարձրագույն կրթության հարցը․ Թաթոյանի դիրքորոշմամբ՝ պետական բուհերում կրթությունը Հայաստանի քաղաքացիների համար պետք է լինի անվճար։