Ինչու չի կանգնեցվել 44-օրյա պատերազմը
Sat, 04 Apr 2026 13:11:13 +0400
Հայաստանի երրորդ նախագահ Սերժ Սարգսյանը քիչ առաջ անդրադարձավ ապրիլյան պատերազմի արդյունքներին՝ դրանք գնահատելով որպես հայկական զինված ուժերի հզորության, արդյունավետ դիվանագիտական աշխատանքի, ինչպես նաև համազգային միասնականության կարևոր ապացույց։
Նրա խոսքով՝ հակառակորդի ծրագրերը ձախողվեցին, քանի որ նա չկարողացավ հաղթահարել ոչ միայն հայկական բանակի պաշտպանությունը, այլև կոտրել ժողովրդի միասնությունն ու արժանապատվությունը։ Սարգսյանը ընդգծեց, որ այդ ժամանակ ձևավորված միասնականությունը կարևոր դեր է ունեցել իրավիճակի կայունացման գործում։
Նա նաև քննադատեց 2018 թվականից հետո տեղի ունեցած զարգացումները՝ նշելով, որ նոր իշխանությունները, իր գնահատմամբ, փորձել են նպատակաուղղված կերպով թուլացնել բանակը և վարկաբեկել դրա հեղինակությունը։
«2020 թվականի պատերազմը այո,լայնամասշտաբ էր, աղետալի հետևանքներ ուներ ու չկանգնեցվեց մի վախկոտ պոպուլիստի պատճառով ու ձգվեց 44 օր, ինչ է թե իրեն դավաճան չասեն»,- ասել է նա: