ԱՄՆ նախկին շտաբի պետ Ռենդի Ջորջն անմիջապես պաշտոնանկությունից հետո մեկնաբանել է իր հրաժարականը։

Գեներալը, ով, բնական է, շատ ավելի լավ է հասկանում բանակի էությունը, քան գրեթե անփորձ թրամքյան Պենտագոնի «նորարարները», կարծում է, որ իրականացվող անձնակազմի գլոբալ մաքրումով պլանավորում են ամերիկյան բանակը վերածել արհեստական ինտելեկտով կառավարվող անմարդկային մեքենայի, որը արագ և առանց վարանելու կոչնչացնի ամեն ինչ։ Արդյունքում, պաշտոնաթող գեներալն այն մտքին է, որ «Մեկ խելագար կոչնչացնի ամերիկյան մեծ բանակը»։

Պենտագոնն արդեն իսկ Կոնգրեսից խնդրել է 1.5 տրիլիոն դոլար 2027 թվականի համար, ինչը նշանակում է ռազմական ծախսերի ավելի քան 40%-ով աճ։

Խոշոր ներդրումներ են ծրագրվում արհեստական ինտելեկտով գործող համակարգերի զարգացման վրա: Ըստ փորձագիտական գնահատումների, նախատեսվում է ԱԻ-ին տալ հնարավորություն` որոշել եւ հարվածել նախընտրելի թիրախներին առանց մարդու միջամտության:

Իսկ դա «արանքից հանում» է «խիղճ» հասկացությունը` ամեն բան թողնելով ինտելեկտային «չոր» հաշվարկներին. պետք է ոչնչացնել մեկ միլիոն մարդու, ուրեմն կոչնչացվի, եթե հաշվարկները դա շահավետ ցույց տան: Կարճ ասած, պապիկ Դոնալդը որոշել է որքան հնարավոր է շատ գումար խլել ազգային բյուջեից՝ թաքնվելով «ամերիկյան մեծության» կարգախոսի հետևում։ Դա պարզապես բիզնես է, նույնիսկ եթե ամբողջ աշխարհը կործանվի։