Ղազախստանը հերքել է Փաշինյանին
Mon, 06 Apr 2026 16:54:40 +0400
Ղազախստանը չի բանակցում հայկական երկաթուղիների համար ռուսական կոնցեսիայի ձեռքբերման շուրջ, հայտնել են «Ղազախստանի թեմիր Ժոլի»-ում և երկրի տրանսպորտի նախարարությունում։
Ավելի վաղ Նիկոլ Փաշինյանը չէր բացառել նման հնարավորությունը Ռուսաստանի համաձայնությամբ, սակայն Մոսկվան հայտարարել էր, որ նման գործարքի ծրագրեր չունի։
Հայաստանի երկաթուղիները կառավարվում են «Հարավկովկասյան երկաթուղիներ» ընկերության կողմից, որը «Ռուսական երկաթուղիներ» ընկերության դուստր ձեռնարկությունն է։ Կոնցեսիոն պայմանագիրը ուժի մեջ է 2008 թվականից՝ 30 տարի ժամկետով՝ երկարաձգման հնարավորությամբ։